鍾澤暉 點解可以咁幫恆基:問熱普城喇

大角咀居民深受恆基收樓之苦,相信呢個好多人都知。 鍾澤暉 可以話證據不足喎,我明嘅, 鍾澤暉 後面果個就係鼠王芬,你覺得鼠王芬夠薑得罪梁粉地產商主持公道?我覺得呢樣嘢,真係無乜大可能。但大家真係要問, 鍾澤暉 點解可以當選。

邊個幫 鍾澤暉 鎅民主黨票

大角咀櫻桃選區點解要忍 鍾澤暉 呢啲仆街,當年民主黨派咗林浩揚去開荒,如果民主黨同鼠王芬一對一嘅話,其實都有啲機會集中晒啲反土共嘅票,然後以比較接近嘅賽果勝出,土共都未必敢咁放肆。但當年林浩揚去做嘢果陣,熱普城派出中出羊子狙擊佢。中出羊子擺明玩膠唔駛講,咁你話熱普城唔係累到櫻桃選區嘅選民又係乜嘢。區議員未必好有權力,但區議員走去endorse啲大地產商,啲居民已經可以去跳海。呢次櫻桃選區嘅選民,叫天不應,叫地不聞,唔係同熱普城有關就假。

如果無鄭松泰公然話呃選民事件,好多人都以為呢班友係堅勇武抗爭,為民請命,但實情係,呢班友成班都係政棍嚟。無錯,民主黨啲老屎忽好多係有問題,甚至同中共暗通款曲,但夠熱普城呃本土票仆街,如果熱普城唔係2015年周圍鎅票,或者熱普城喺呢啲舊區重建問題上係堅做嘢,唔係扮晒魚蝦蟹嘅話,我相信黃毓民根本唔會被人喺多個舊區撬走晒啲老人票,劉小麗得以進軍。

大家仲要留意一樣嘢,喺大角咀,無錯有唔少本土派選民,但呢啲人最後係將飛投俾游蕙禎,所以游蕙禎喺大角咀地區係小勝,你估大角咀啲居民盲㗎,我相信恆基收樓集團嘅問題,早喺立法會選舉果陣都存在,但成日扮晒抗爭呢啲熱普城,有無喺舊區重建上有過抗爭,大家睇到係暗中同鼠王芬合作就有。所以咪話投俾熱普城以外候選人嘅選民智商有問題,啲選民智商正常,判斷力正常,係你班友日日當啲選民,特別年青人係蠢才,以為自己呃鬼食豆腐無人知啫。

所以熱普城呢班假本土係一定要清算,因為好多居民都深受其苦,而恆基搵邊班仆街睇住啲空置單位,警方亦有責任查清查楚,如果警方唔去查,係唔係要搵人做敢死隊,起晒班古惑仔底,然後再去警察總部搵盧偉聰傾偈?

發表迴響

你的電子郵件位址並不會被公開。 必要欄位標記為 *