公廁-min

浪費公帑嘅 公廁 係唔係有弊案?

香港 公廁 嘅服務水平,其實大家都心中有數,特別係食環署啲 公廁 ,果啲衛生同設備水平係十分之cheap,但上水花園嘅 公廁 居然要造價成千萬,呢件事就十分之詭異。如果政府唔解釋清楚,其實大家可以要求廉署介入,或者審計署介入,搞清楚發生乜嘢事。

公廁 點解要成千萬?圍標定係點?

其實香港啲廁所,你都可以假設係用最平價錢嘅料,男廁兩個座廁,三個尿兜,女廁四個座廁。條數咁計

項目 金額
座廁五個 780 x 5 = 3900
尿兜三個 400 x 3 = 1200
洗手盆九個 200 x 9 =1800
洗手盆水喉九個 200 x 9 = 1800
基本設備費用 8700

我俾你計瓷磚、水泥、掘路、移轉設備等費用,邊度嚟要成千萬,點解最初會估算係一百六十萬,然後超支十倍出嚟。我相信一百六十萬,係成件事嘅真實價值,跟住啲錢,就已經係一個謎嚟嘅。所以呢件事,審計署同廉署有必要介入審核帳目就係咁解,一係有人做錯決定,一係根本係成個掠水局,有堆人幾百萬就咁袋袋平安,典型嘅懷疑貪污事件。

而成件事最可疑係,呢項古惑工程,係由柯倩儀、王潤強同黃宏滔三位土共議員提出,而柯倩儀同黃宏滔兩個嚟自天平邨嘅議員,都有涉及業主立案法團以懷疑交換利益手段攞授權書嘅行為,呢種行為,好多時都同圍標有關,做得 公廁 呢啲細工程,都係一啲細嘅工程公司,唔通果啲食慣高鐵大茶飯嘅公司,同你砌個千萬 公廁 咩,啲錢真係攞嚟攝牙都唔夠。而力主呢項工程嘅王潤強,正正因為圍標問題,被曾經擔任廉署調查主任嘅林卓廷打沉咗,你話呢單嘢無古惑,我真係唔係好信。

啲記者質疑個 公廁 同更衣室有無人用,嚟質疑個千萬 公廁 ,呢個方法未必work,新界好多鄉村都有無乜人用嘅 公廁 ,但呢啲 公廁 ,一方面係居民一旦個廁所有乜冬瓜豆腐果陣,作後備用途,另一方面,郊遊人士等等,都可能用到 公廁 。所以,成件事嘅追擊目標,係成個工程嘅帳目,仲要係好詳細嘅帳目,一定要攞出嚟仔細研究,唔能夠就咁算數。而呢個豪華 公廁 ,應該有一大堆謎團等住大家去解答,無理由就咁算數。

發表迴響

你的電子郵件位址並不會被公開。 必要欄位標記為 *