電影菲林-1-min

電影菲林 嘅港產片質感

電影菲林 ,相信係近年因為菲林需求大跌下,流入民間嘅好玩玩意之一。特別好多電影用數碼拍攝嘅情況下,有大量菲林存貨,咁有人攞嚟想拍啲有電影質感嘅相,亦都係好正常嘅事。而 電影菲林 , 亦係少數DXO Filmpack無認真係模仿嘅色彩模式,所以暫時嚟講,Photoshop好難模擬出嚟。(唔係唔得,你要慢慢執,Analog有啲嘢係無解)

電影菲林 影夜間特別有味道

我買咗筒CineStill 800Tungsten High Speed Color Film 嚟玩,呢筒菲林真係實力喺邊,影夜晚嘢。無錯,菲林影夜晚嘢,唔多靚,但如果你要有電影氣氛,呢個配搭係獨家

電影菲林-1-min
電影菲林-1-min

用 CineStill 800Tungsten + Contax G1 + Carl Zeiss Sonnar 90 f2.8 T*

用 Sony A7 + Carl Zeiss Planar 45 f2.0 T*

同樣用蔡司鏡,但Sony嘅色調,就係無果種電影感,影舊區更明顯。如果你想影到有港產片味道,其實用 CineStill 或者有去做咗去石墨處理嘅Kodak Vision菲林就啱。Sony A7你只係覺得普通相一張,但一去到用 電影菲林 ,你就有機會影到個腦裡面有聲嘅相片。

用 CineStill 800Tungsten + Contax G1 + Carl Zeiss Planar 45 f2.0 T*

電影菲林-4-min
電影菲林-4-min

用 Sony A7 + Carl Zeiss Biogon 28 f2.8 T*

而六四晚會, CineStill 會出現一啲紅點,其實係意外效果,但比起傳統嘅燭光,呢道紅色嘅光,反而有另一種構圖上嘅意義,呢啲正係Photoshop都做唔到嘅事。

不過如果你要確保電影感夠強,其實你鏡頭選擇,接近電影界一向用嘅比較好。例如蔡司鏡,本身就係電影界常用,其次係富士嘅鏡,不妨留意一下。越係老鏡,越可能做到果種質感。

當然,如果你要玩 電影菲林 ,最好係用番CineStill,因為 電影菲林 本來為咗去片平滑,加咗石墨粉,除咗去有能力做ECN-2處理嘅沖印公司沖,否則大部分沖印公司都會拒沖,因為啲石墨粉會整壞機或搞到啲藥水污糟晒。CineStill由於做咗事前去石墨粉處理,所以可以用標準CN-41程序沖晒。喺香港,你想搵間可以沖ECN-2程序嘅公司,都有啲難度。

(有相機店有賣 電影菲林 同時兼送ECN-2沖洗,亦可以考慮,因為計埋沖費,相差唔太多)

發表迴響

你的電子郵件位址並不會被公開。 必要欄位標記為 *