乞兒-荷蘭獨立

星期日休息: 荷蘭獨立 教曉港獨分子乜嘢

熱普城最近內鬥鬥到大攬炒後,黃毓民搞出嚟嘅連串政治鬧劇,應該到此為止。雖然鬧劇結束,大家食花生食得好開心,只不過,如果你真心認為香港嘅獨立,或本土運動係重要,策略應該係乜嘢。畢竟黃毓民呢啲人渣之所以呃到咁多人,好多對民主運動無進展厭倦嘅人急於求成嘅心態係好有關係。永續社運係仆街嚟(明年六四見呢樣嘢,簡直黐撚線),但 荷蘭獨立 漫長抗爭過程,確係值得大家深思。特別荷蘭佬嘅生意人性格,其實同香港人十分之相近果陣。

荷蘭獨立 :我慢慢玩謝你西班牙,唔爭朝夕

荷蘭獨立 其實係唔容易,因為荷蘭當時要喺西班牙手上爭取獨立,西班牙果陣係歐洲一個重要軍事強權嚟,左計右計,荷蘭無乜可能獨立,一如香港同台灣,都好似無乜可能獨立一樣。當時荷蘭嘅反抗軍,被嘲諷為係一班乞兒,荷蘭佬一向都好有黑色幽默感,就攞咗人地對佢地嘅貶稱,作為作戰方針。佢地喺海上同陸上,都係用海盜或乞兒手法,不斷打滋擾戰爭。喺台灣、喺海外殖民地等,荷蘭佬同西班牙鬥搶,當時西班牙又係不可一世,當西班牙得罪人多,稱呼人少 之際, 荷蘭獨立 嘅武裝力量得到機會,因為英國唔俾補給,反而令班海上乞兒決心攻入北部港口保障補給,最終為 荷蘭獨立 戰爭打開咗缺口。荷蘭人用咗漫長嘅八十年,確立咗七省主權,但呢八十年,亦為荷蘭嘅軍事力量打好基礎,所以荷蘭獨立無幾耐,就成為一個海上帝國,一如美國獨立無幾耐,就成為一個可以同英法喺北美大鬥法嘅軍事強權一樣。打番嚟嘅獨立,某程度上係一種磨練。

其實 荷蘭獨立 成個過程,係間接路線(indirect approach)嘅高度實踐,荷蘭佬無錯當時無力同你西班牙硬撼,但荷蘭不斷削弱西班牙海外邊陲嘅力量,並且同西班牙所有仇家結盟,真係所有可以團結嘅仇家,所以荷蘭嘅獨立,事實上係歐洲三十年戰爭嘅和約之中確立起嚟。 荷蘭獨立 係一個以小勝弱嘅打法,其實最適合回應果啲以為自己好大枝嘢嘅強國,只不過除咗愛爾蘭,無幾多人認真研究呢種化整為零嘅戰略思想,真係有啲令人慨嘆。

香港獨立,好可能係唔只一代人嘅事,當然我唔想學支聯會咁無志氣,明年六四維園見,相信好多投身本土陣營嘅人,都唔會想自己都重演支聯會果陣因為將六四悼念活動制度化,而缺乏咗鬥爭意志嘅情況。只不過,亦斷唔係黃毓民、陳雲呢啲玩法,喺實力未夠,外交投入未夠,就貿然以硬碰硬,呢啲除咗死得人多,一啲價值都無,仲要係死得無貢獻果啲,所以黃毓民呢條友,佢自己至係最大維穩派。六四集會係膠,但某程度上,佢幫咗六四成個抗爭保溫,亦都係一個事實。當你要保溫果陣,好似啲人要進行過百年計嘅太空旅行,你都會選擇要消耗最少嘅情況下瞓覺,而唔係喺成個太空旅行過程裡面走嚟走去。如果唔係用保溫法,咁本土陣營可以選擇,就係 荷蘭獨立 嘅方法。

所以你要投身港獨運動,你駛唔駛好打,你唔駛好打,你日常生活每一個環節,都係抗爭嘅一部分,例如叫人申請BNO,喺英國登記做選民,幫果啲打算搞一帶一路公司拆佢台,或者你照賺中國人嘅錢,一如荷蘭佬,賺你西班牙佬嘅錢為充實自己軍隊,甚至喺海外,加入美軍、英軍,任何會同中國戰鬥嘅軍事隊伍。總之,總體目標得一個,加速中國外部力量嘅增長,甚至導向中國力量消亡,時機一到揭竿而起其實好快搞掂。香港人唔係等支爆,係一點一滴促成支爆,一如過往香港唔少,一點一滴促成中國開放改革,只不過你依家掉轉嚟做,甚至你扮投共,事實上將中國啲資金挖走抽空都可以,乜嘢方法都可以,人人都係軍團嘅成員,一如荷蘭佬當年嘅做法。

如果你嫌我依家寫嘅太深,其實你聽一次何韻詩嘅歌《光明會》,就明白 香港獨立 應走之路。張曉明以為禁止港獨立法有用,當年中國共產黨都係中華民國嘅非法組織,咁有無阻止中共奪取政權,呢班唔讀歷史嘅懵撚,唔知獨立係唔需要實體組織,如果你打算搞種族屠殺,我相信中國將會永久失去香港。

這羣人 不曾同台 偏偏不陌生
分途來修行 發著近似聲音
不尋常的人
不平凡的人
不回頭的人 最強的結合 就要誕生

就像個軍團 一個秘密組織誕生
十萬個黨員 潛伏各大城鎮
若是這種人 請你馬上舉手獻身
別再等 錯過後以後又遺憾
Ah~

你是 你是 你是我黨羽
那日 我望你 看十秒已知
要是 你願意 你共我可以 合作改變歷史

這羣人 不曾同台 偏偏不陌生
分途來修行 發著貼心聲音
不尋常的人
不平凡的人
不回頭的人 我們的計劃 就要變真

就像個軍團 一個秘密組織誕生
十萬個黨員 潛伏各大城鎮
若是這種人 請你馬上舉手獻身
別再等 朝代應該變更 Ah~

就像個軍團 一個秘密組織誕生
十萬個黨員 潛伏各大城鎮
若是這種人 請你馬上舉手獻身
別再忍 埋沒你異能

現在我的人 將要發動一波戰爭
立誓要剷除 沉悶領導層
若大放光明 通透秘密必需看真
別掛心 我也並非一個人
盟軍 如此近 Ya ya ya ~

發表迴響

你的電子郵件位址並不會被公開。 必要欄位標記為 *