創科局-維園

創科局 都唔搞創科:七一霸維園做乜撚?

創科局 唔搞創科,仲要因Uber問題同李兆富筆戰,成件事固然係柒到一個點。不過 創科局 班友打壓Uber果陣唔記得咗,今年土共果個慶典委員會,佢地死人霸生地要堅持佔用維園硬地足球場為理由,就係因為要搞個創科展,依家香港根本無搞過創科,仲要打壓創科,咁慶典委員會霸維園硬地足球場做乜,真人示範乜撚嘢死人霸生地?

創科局 唔搞創科,因為根本無創科

睇文匯報介紹慶典委員會搞乜嘢創科展,真係笑咗,乜話,展示長征火箭就叫創科。乜你依家火箭嘅運載力,可以大過阿波羅計劃果陣送太空人去月球嘅農神五號 Saturn V 咩?美國1967年嘅技術,依家仍然無國家可以超越到,包括美國自己,中國果啲copycat長征系列火箭叫創科,不如叫中國快啲收檔吧。如果我係中國人,根本唔會好意思攞呢啲技術當係自己嘢咁耀武揚威,雖然美國同蘇聯嘅火箭技術,基本上都係納粹德國嘅V-2火箭嘅基礎抄出嚟。但蘇聯同美國至少係有超越德國,同埋有真正嘅創新。都唔好講,美國已經癲到民間可以整公司承包政府合同發射火箭,令民間嘅太空旅遊喺法理框架上,變成可能。

點解中國成日都係果啲copycat科技,吓吓都係美國有乜新嘢玩,馬雲、馬化騰呢啲友仔,就左抄右抄,喺中國搞個山寨版出嚟,因為中國無自由,一個無民主無自由,官商勾結成為習慣嘅國家搞創科?搞條毛就有。喺工業年代,唔駛講creative嘅年代,仲可以靠國家機器,挹注大量資源泵起啲企業稱霸世界,納粹德國、日本、南韓啲財閥都係呢啲嘢嚟,但一講創意,只有一個自由嘅環境,規管越少越好嘅環境,至可以真係搞創新科技,呢個問題本質係政治問題嚟,所以我一向都好鄙視洪為民呢啲人咪咁解,你前海搞到創科?香港都俾梁振英搞死喇,更何況更無自由嘅前海。

所以依家剩番好似真名叫袁海昌(筆名陳凱文)嘅五毛,走去亂寫共享經濟抹黑Uber,執行梁振英要拉攏譚惠珠嘅政治任務。我一直唔明點解左膠要share袁海昌嘅文章,呢啲人渣係民主嘅朋友,你班友short咗去邊。袁海昌嘅文,大家應該當成content farm嘅文,當fake news處理就差唔多。

發表迴響

你的電子郵件位址並不會被公開。 必要欄位標記為 *