創科局-min

創科局 應該早日執笠,慳番啲公帑

創科局 作為成立宗旨推廣科技創新嘅部門,梁振英當初爭取成立果陣,講到呢個部門幾撚偉大,點知為咗Uber問題,同李兆富開拖,第一次有部門親自同李兆富打筆戰,就一嘢現形。

創科局 無牙力咪收檔

如果話我係科技人,有啲自以為好醒嘅IT人唔認同,我係一個巴膠,應該都好多人認同,喺交通問題上,我應該熟書過 創科局 呢班粉皮,運房局啲人,都知我本身都知乜叫公共運輸政策。

點解依家香港無隨人口增長增發的士牌,點解依家政府要打擊Uber,甚至連專線小巴都要打擊埋,因為要維護譚惠珠為首嘅霸權,楊偉雄出嚟講乜撚嘢啫,叫譚惠珠條八婆交代佢由英治年代至今喺的士問題上cap咗幾多水先喇。點解依家唔可以有Uber,你估真係打擊的士司機生計,如果係維護的士司機生計,唔係打擊Uber,係打擊的士炒風,無限量發出的士牌,或者改行的士司機揸者有其牌政策,的士營運執照,必須係跟有的士駕駛執照嘅人,唔係跟啲公司,更加唔係跟譚惠珠呢條八婆。

Uber其實一啲問題都無,因為喺北美生活過都知,Uber嘅理念根本嚟自Carpool,喺北美,繁忙時間要揸上繁忙嘅highway,你私家車一定要坐滿人,Uber係為咗確保符合呢個規定而出現,AA制出油錢係梗嘅,呢個係根本好環保嘅科技,如果 創科局 咁都要講兩句,咁不如叫埋大嘥鬼講兩句,依家唔俾Uber嘅做法,係唔係打擊一啲可以用喺減低碳排放嘅科技上面。大家要記住,喺Uber有Tesla車,但依家啲的士,喺皇冠霸權影響下,仍然大部分係石油氣的士嚟,仆你個街,乜石油氣好撚環保同安全咩,啲石油氣嘅排放表現隨時仲差過Euro6柴油車,更加唔好講Tesla。有幾多的士行緊Hybrid喇,撚樣。

我最後用黃貫中《新秩序》嘅歌詞,總結 創科局 果班撚樣

喂!喂!喂! 又話你擔當到底
你條腰骨係咪有問題
想嚇鬼 定還是根本無計
照樣執位 一批跟一批

洗!洗!洗! 全人類通通受洗
大大方方 我哋無問題
清一色 定還是根本無色
國皇新衣 著得真高貴

創科局 無辦法打倒譚惠珠同佢嘅仆街霸權,腰骨全無,根本無計,個部門仲存在做乜,執咗佢吧。

發表迴響

你的電子郵件位址並不會被公開。 必要欄位標記為 *