DUP-min

同 DUP 組閣:北愛實亂到九彩

保守黨落錯注,喺賭撚選舉連半數都過唔到,被迫組織 minority government。傾BREXIT咁重要嘅deal要玩minority government,既唔strong,又唔stable,都算,依家去搵 DUP 組閣,簡直係黐線之霸,Sinn Fein固然一定玩鋪勁,更隨時為英國大亂揭開序幕。

DUP 根本係亂源嚟嘅

近四十年,英國玩到hung parliament都好,都避免同 DUP 或者Sinn Fein傾組閣合作問題,Sinn Fein固然因為有IRA嘅過去,同埋佢本身又係愛爾蘭政黨,呢啲跨國政黨係好玩嘅一種玩意嚟,Sinn Fein唔宣誓效忠英皇大家都唔郁佢啲議席,因為Sinn Fein嘅安排,本身係提供相當嘅穩定性,同埋Sinn Fein近年都好少講啲又爆又膠嘅嘢,至少唔為英國政壇帶嚟困擾。而 DUP 係一舊又膠又爆嘅嘢嚟,親英派喺北愛啲作為,真係衰過熱普城,經常挑天主教徒機,仲要有時講埋啲又爆又膠嘅種族歧視言論,講玩恐怖主義,其實親英派都唔差,本來愛爾蘭搞到武裝起義,多少係呢班又寸又囂嘅新教Unionist迫出嚟,吓吓都用民兵組織郁人,天主教徒至侷住同你鬥玩武裝革命。所以近幾十年代, DUP 大家避之則吉,保守黨過往喺北愛都係搵UUP代表自己,好少搵 DUP ,只不過,依家保守黨搞到咁, DUP 都要搵。

當然 DUP 嘅出現,喺成個BREXIT過程有好處係,Theresa May或保守黨根本玩唔到hard brexit,因為 DUP 講明反對 hard brexit, DUP 都唔想再同Sinn Fein片,但依家保守黨大票倉英國東部同東南部啲人,係唔係咁諗,我真係好有保留。我只能講,自Good Friday Agreement以嚟, DUP 同 Sinn Fein組咗聯合政府管到北愛咁耐,都仲識如何與敵人交手,咁嘅組閣work唔work,唯有向好嘅方向諗,但我個人,真係覺得實會十分之牙煙,我相信Sinn Fein好快就會回應,會唔會破天荒宣誓效忠英皇。

One thought on “同 DUP 組閣:北愛實亂到九彩

  1. 世澤兄:

    1. 保守黨喺提早大選呢個決定上, 我認為係正路決定, 而唔係落錯注.

    2. 大選結果攪成咁, 正如你之前分析, 國內重大政策例如稅務等, 問題多多, 太多爭議, 選前跟本唔應該出, 要講最應該主打原本嘅 BREXIT 議題.

    3. 保守黨拉攏DUP組織聯合政府, 面對現實, 已經係唯一可行辦法, 搵 UUP 無用.

    4. 組織聯合政府, 假設你係保守黨 “重量級人物”, 會唔會搵 SNP? 我無法想像.

    5. 組織聯合政府, 假設你係保守黨 “重量級人物”, 會唔會搵 Labour? 我想像成功機會好低.

    6. BREXIT 好多人話麻煩咗好多, 我睇未必, 甚至易咗統一國內意見, Labour 當然意見多多, 但暗地支持, DUP, UUP, Sinn Fein 等, 都唔見得親歐, 甚至帶有疑歐色彩, 就得 May 自己相反, 曾經係低調留歐派, 家陣當然唔似.

    7. 內政問題麻煩咗好多就一定, 但呢個國家, 識得喺風浪之中, 以創意同務實嘅方式, 解決問題, 所以今次我會特別留意, 或者會唔會有啲新學問出到來, 值得學習.

發表迴響

你的電子郵件位址並不會被公開。 必要欄位標記為 *