英國大選-懸峙國會-min

英國大選 出咗賭撚結果,搞邊科?

英國大選 之前我已經寫過,YouGOv出賭撚預測,結果真係如YouGov所言,保守黨嘅最大黨位置係極唔穩陣,問題係,點解呢次 英國大選 出賭撚結果,同埋之後點收科。

英國大選 反映YouGov個參數係正確

首先,呢次因BREXIT緣故,年青人嘅投票率極高,同YouGov嘅參數設定係一樣嘅,所以YouGov出賭撚結果, 英國大選 最終亦出賭撚結果,反對BREXIT嘅選民對你班友票債票償,保守黨倒輸議席,UKIP應該被人清倉,喺西敏寺制嘅邏輯,合理到不得了。

另一方面,Theresa May根本係政治自殺,你成日好似機械人咁講strong and stable government,但裡面detail唔講都算,好學唔學學咗戴卓爾夫人啲衰嘢,諗住徵收老人痴呆稅果吓好嘢,諗出嚟果條友堅係老人痴呆,呢啲無厘頭嘅taxation burden,同人頭稅一樣,係政治自殺,絕對唔會有得救,所以保守黨呢次係輸喺政治賭博之上,但英國選民嘅投票行為,只不過係玩 lesser evil,無錯,工黨係膠,但工黨唔會收你老人痴呆稅,呢樣就夠佢執一堆議席返去,搞出個hung parliament出嚟。英國嘅政治,從來都係果幾十個battlefield決定未來幾年英國嘅命運,果堆safe seats其實唔係太影響到大局。

依家政府肯定難產,以往hung parliament,Sinn Fein唔係一個考慮因素,因為Sinn Fein傳統上唔向英女皇宣誓,係唔會真係攞個議席,佢地攞個議席懸空嘅。但Gerry Adams已經講咗,一旦hung parliament,Sinn Fein會破天荒宣誓效忠英女皇入去陪你癲,如果保守黨拉攏DUP組織聯合政府,我十成十肯定Sinn Fein班友會做賭撚奉陪到底,屆時真係亂過亂世佳人。你覺得Liberal Democrat唔會入工黨聯合政府?呢個世界睇有無好deal啫。

但我睇,今年大家需要喺BBC見David Dimbleby講選舉多一次,因為呢啲政府,既唔strong,亦唔stable,英國太多賭撚。亂七八糟,英國有排亂。

發表迴響

你的電子郵件位址並不會被公開。 必要欄位標記為 *