王丹-盧斯達-min

盧斯達 做慣抄抄子點挑王丹機?

盧斯達 呢條友,自己唔做research,靠抄嚟做KOL,其實由佢投靠毓撚派系開始,都知佢遲早會出事。不過,呢次 盧斯達 連王丹要離開台灣嘅原因都未搞清楚,就走去挑王丹機,結果王丹呢啲縱橫江湖多年嘅老手,一嘢就KO佢,仲惹嚟大量仇家郁佢。

盧斯達 急於出名終歸出事

王丹唔係流亡台灣,因為台灣一如王丹所講,根本係無難民法,佢係六四被捕後坐咗幾年監,再保外就醫,去咗美國獲美國政治庇護,嚟台灣教書係受僱,甚至嚴格嚟講,王丹連統派都唔係,因為佢已經係認為台灣前途應該由台灣人自己決定,佢係無權過問。我唔明 盧斯達 無喇喇走去打王丹做乜,我更唔明 盧斯達 ,呢啲可以喺維基百科中文版搵到嘅fact都唔verify,無錯,維基百科中文五毛當道,好多資料都係錯,但未錯到王丹六四後流亡台灣咁X離譜,台灣喺一九八九年之後,至有喺民主化上十分之關鍵嘅百合花學運,所以獨派亦唔會認為悼念六四有問題,因為本來六四本身,係台灣民主化嘅推手,六四開花結果,除咗東歐諸國,就係台灣,呢個係好簡單嘅歷史常識,咁都寫錯,都可以反映有啲人做慣咗抄抄子係無晒研究能力,當然我亦唔知道 盧斯達 依家真正老闆係邊個,只不過,黃毓民啲轉世靈童都係值得懷疑都係常識嚟。

其實 盧斯達 搞到今時今日咁,因為急於成名,甚至好多投向熱普城啲年青人,都係因為一個急字累事,以為黃毓民、陳雲、黃洋達呢啲人會幫佢地,事實上只係利用完年青人後,有乜事再置諸不理,心態同以往中共根本係一模一樣。當然,泛民果啲阻住地球轉嘅老屎忽當道,呢個亦明顯係問題嚟,只不過,泛民幾老屎忽當道都好,泛民近年扶起嘅新人,有啲都仲有自己踏實嘅一套,唔係吓吓都靠石頭爆出嚟,好似民主黨嘅許智峰,佢就真係喺區議會同啲土共賤人抗爭,正面衝突果啲添,勇武過熱普城班粉腸好多。

當然,熱普城最大問題係,黃毓民有成大棚網上遊魂跟住,仲要老屈人,例如無喇喇老屈我捧方志恆,以至幫泛民新生代係其中一例,你講道理,只要唔幫熱普城都會遭到老屈,衰過義和團。年青人少咗支持港獨,多謝黃毓民呢啲老賊,老賊不死,港獨難興。

發表迴響

你的電子郵件位址並不會被公開。 必要欄位標記為 *