同志案-min

同志案 令香港歧視入境制度被媽爆

一位英籍女同性戀者,想申請喺英國已經做咗同性婚姻嘅另一半嚟香港,申請所謂受養人簽證,點知入境處唔批,引發司法覆核。呢單 同志案 政府以為高院贏咗無事,點知依家引發十二間大iBank申請做intervener,打埋一份,十二間大行包括Morgan Stanley呢啲頂級大行,我睇間間行都會搵英國頂級御用大狀出手,如果政府輸咗賠堂費,睇怕政府為咗支持明光社,要準備一旦輸官司嘅巨額律師費。

同志案 反映嘅現實

同志案 之所以引發十二大行圍攻港府,一方面,要迫港府承認歐洲嘅同性婚姻,或民事結合,呢樣我都覺得好必要,無理由因為你政府要偏袒明光社,而要犧牲人地嘅合法權益,香港幾時同中東一樣變咗由神棍管治。

另一方面,依家入境處呢班友正仆街嚟,批中國籍人士嘅受養人簽證好寬鬆,好明顯為咗擦中國鞋,但批非中國籍人士嘅受養人簽證極艱辛,我已經收過好多投訴或查詢,問我可以點拆入境處,更仆街係,《種族歧視條例》故意定到不適用於入境法律,更加令入境處班友無皇管,所以呢幾年入境處啲高官至係咁升官,由保安局到特首辦公室,都係入境處啲擦鞋狗。 同志案 引發十二大行圍攻港府,其實係呢十二間大行嘅人事部門,已經忍咗呢班友好耐,只不過,今次借呢單案,喺法理上有藉口介入,還以顏色。特別台灣大法官會議嘅釋法,雖然對香港無任何約束力,但華人地區台灣可以承認同性婚姻,香港唔承認,變咗十分之無稽,台灣比香港更加尊崇中華文化。依家港府如果仲有捍衛傳統文化做擋箭牌,我恐怕喺法院慘死嘅機會相當大,因為台灣作為儒家文化喺遠東最主要捍衛國,竟然係第一個國家承認同性婚姻,你依家香港政府係連ground都無。

我建議呢次嘅訟費,由明光社、蔡志森、何君堯、梁美芬等人嘅私人財產支付,香港納稅人真係無乜理由為咗你班垃圾而俾咁大筆錢,或者依家批中國啲受養人簽證咁鬆手,就喺雙程證或單程證人士申請身份證果度加特別附加費支付,如果政府堅持唔改政策嘅話,攞咗香港人著數,梗係要幫香港人幫輕吓。

發表迴響

你的電子郵件位址並不會被公開。 必要欄位標記為 *