免費旅遊-min

免費旅遊 ?幫人帶任何嘢都一定要自己拆開睇清楚

近日有三個香港人,貪圖 免費旅遊 ,點知係幫毒犯運毒,結果喺泰國被人捉到,喺南洋國家被人捉到運毒,幾乎肯定係死刑。我反對死刑,但南洋國家運毒係死刑論處背後亦有佢理據,因為唔用嚴刑,就會變墨西哥、哥倫比亞呢啲毒販治國國家。而貪圖 免費旅遊 之前,作為旅客,其實應該知道自己嘅權利同責任。

免費旅遊 一定睇清楚帶乜行李

根據依家ICAO嘅規則,當你攞件check-in行李去check-in,counter一定問,你知唔知件行李有乜,好多貪圖 免費旅遊 嘅傻佬,諗都唔諗就答知道,其實一搵到你行李有違禁品,你就知你已經死了,因為你對地勤人員嘅對答,已經係最明顯嘅證據,你對件行李有乜係知情。所以,如果有人請你 免費旅遊 帶嘢,如果對方唔俾你拆開行李裡面有乜,你可以假定對方係毒販,你根本唔應該去相關行程,甚至應該主動向海關報串,保障咗自己嘅安全先講。因為依家貨運咁發達,合法嘅嘢,其實唔駛用人肉運輸呢啲咁老土嘅方法運送。如果係平行進口嘅貨,都係買貨果條友自己帶,或者果條友委託啲熟人帶嚟,會搵個三唔識七嘅友仔帶嘢嚟咁冒險,只有毒品或走私貨品一類利錢咁高,至做得出。

我收過一啲師奶迫子女運奶粉,意圖違反限奶令嘅報告,好多年青人知道乜叫限奶令,抗拒父母要求,其實係啱,因為好多時啲父母,連自己收緊果罐係堅奶粉,定係白粉都唔知,如果係一般嬰兒奶粉,都已經大鑊,但唔至於死人,但如果係白粉,咁就害死自己仔女都唔知,呢啲事簡直係匪夷所思。所以粉類嘅嘢,就算運過羅湖或皇崗口岸都唔好制,除咗係違反限奶令,如果你唔知啲奶粉實際來源,更隨時中咗毒販圈套都唔知,真係十分之大劑。

講開叫人帶嘢累街坊呢件事,叫人帶氣槍過中國境,累年青人被拘禁果單嘢,其實叫人帶貨果條友,應該出嚟負責,果條友仲要係同熱普城有關,但依家果條友都未向當事人嘅父母以至家人交代清楚問題,如果有政界中人做埋呢啲仆街嘢,而果個派系啲人可以當無事發生,你都估到一旦勇武抗爭,班友會唔會撐你,你依家明點解熱普城點解信唔過。

發表迴響

你的電子郵件位址並不會被公開。 必要欄位標記為 *