通訊辦-TVB Alan Mak

Alan Mak 係麥大粒 ? CCTVB 準備交罰款吧

Alan Mak MP係無一個叫麥大粒咁核突嘅中文名,呢個幾乎係全英國人嘅常識,但CCTVB嘅袁志偉,竟然挑戰英國人嘅常識,喺報導英國國會大選果陣,堅持將 Alan Mak MP 講成麥大粒,袁志偉呢種無中生有嘅行為,本身係冒犯 Alan Mak MP以至在港嘅英籍人士,每一位MP都係尊貴,唔係俾你班中國人亂咁舞個名。

將 Alan Mak 講成麥大粒係違反電視通用業務守則

作為曾經做過持牌機構製作人員嘅人,更加清楚,電視新聞係完全無9up嘅空間,因為免費電視牌照嘅新聞,其實係受《電視通用業務守則-節目標準》監管,而違反《電視通用業務守則-節目標準》或者《電視通用業務守則-廣告標準》,收Warning係要罰錢,甚至影響到未來嘅牌照審批,雖然依家管通訊局果條友係一條仆街梁粉,但好歹都係律師嚟,做得太過火,喺行內會被人藐視。

根據通訊辦發出嘅《電視通用業務守則-節目標準》第9章1A條

持牌人必須盡一切合理努力,確保新聞、時事節目、財經節目、個人意見節目、紀錄片、採用調查手法報道的節目、兒童教育節目、以醫療及健康為題材的節目,以及比賽節目內的真實資料準確無誤。

如果劇集9up個名,咁就郁你唔到,但新聞果度亂嚟,公眾絕對有責任同理由,向通訊辦投訴CCTVB,CCTVB係好大機會要受至少強烈勸諭,至少都夠袁志偉同佢啲同事寫薯仔文寫好一陣子,因為點解 Alan Mak 變咗麥大粒,CCTVB係有必要向通訊辦解釋當中原因同依據,但我睇唔到CCTVB有乜依據,因為當事人 Alan Mak 已經否認麥大粒係佢中文名,而麥大粒由邊個星球爆出嚟,到依家都係費解。

所以,我絕對支持同鼓勵各位同通訊辦投訴,因為袁志偉呢啲友仔亂做新聞嘅行為,有任何機會都要對呢條人渣還以顏色,絕對唔可以放過。呢篇文嘅screen capture嚟自新聞up乜鳩專頁,只不過,如果堅係投訴,最好有人有電視錄影,對timer明確mark低幾分幾秒出現9up。最好用掛號信,寄去呢度:

香港灣仔皇后大道東213號胡忠大廈20樓通訊事務管理局

本來唔想用掛號信咁寸,只不過,大家都知梁粉有幾人渣,無計喇。

發表迴響

你的電子郵件位址並不會被公開。 必要欄位標記為 *