南華-張晉勇-min

南華 死喺張廣勇白痴干預之下

雖然我唔睇波嘅,但都知 南華 嘅成績慘不忍睹,依家仲要因班主張廣勇唔玩下自願降班甲組,港超聯名存實亡。我睇張廣勇八十年代中大畢業嘅background,你見識過中大校友評議會班老屎忽嘅嘴臉,你都估到唔仆街就奇。我用一個唔睇波嘅人,純粹由管理學嚟睇,解釋一下點解 南華 點解死。其實 南華 嘅死因,同當下香港嘅困境好似。

南華 被非專業人士玩死

羅傑承毫無疑問,係香港近年足球界最成功班主之一,當然羅傑承係有心,但邊個投資隊波唔係有心。只不過,羅傑承有一點係重要,就係佢marketing隊波,係搵番專業人士去做,佢老婆梁芷珊係專業嘅,跟住隊波點操呢啲足球專業範疇嘅事,佢唔太多插手﹐所以果個年代 南華 係成功嘅。一如香港最輝煌嘅九十年代,彭定康係專心搞政改以及同中國對抗,內政係由陳方安生以及曾蔭權兩個搞掂,所以果個年代啲措施大部分都掂當。相反,董建華係一件每事管嘅白痴,所以香港一到董建華之手即刻衰清光, 南華 基本上係重覆番董建華嘅故事。

張廣勇雖然喺中國起家,但佢係香港長大嘅正牌香港人嚟,1981年喺中文大學畢業,都好難唔係香港人。只不過,我同七十年代尾,八十年代畢業嘅中大校友屢次交手,特別喺商界成功果班,好多係唔知自己做嘢係唔啱現代社會需要,亂七八糟,又以為自己好醒,結果咪炒車。最經典例如係劉世鏞,佢身為會計師,又係學生會出身,你以為佢識主持會議,點知中大校友評議會啲會議主持得最亂果陣,正係劉世鏞主政時期,所以我一睇張廣勇個background,1981年中大BA畢業,膠咗有乜出奇啫。中大長期以嚟嘅問題,由學生會亂七八糟,到左膠亂政,到依家本土派連自己啲論述搞乜都唔知,甚至出到陳雲果挺大家以為去咗青山嘅論述,某個程度上,都係中大嘅傳統出咗事,只不過大家唔肯認啫。

所以 南華 死喺白痴干預之下,但呢種白痴干預唔係同中國有關,係同中大一直傳落嚟果種大中華無邏輯OS有關,如果南華要東山再起,可能搵番羅傑承派人接手會好一啲。

發表迴響

你的電子郵件位址並不會被公開。 必要欄位標記為 *