中國滾出香港-wp-min

中國滾出香港 :香港人嘅立場

今年七一遊行,本來訂咗一個獨派同傳統泛民都可以接受嘅立場,中共滾出香港。對於支持統一,但奉中華民國為正朔嘅人,呢句係佢地都可以接受。只不過,一早我已經覺得佢投咗共嘅梁耀忠,竟然帶頭反對,民陣被迫收番口號。既然一個妥協方案都接受唔到,咁我不如去盡啲,今年七一不如就自己整banner,六個大字, 中國滾出香港 。

中國滾出香港 係香港人嘅立場

以嚴格香港語嚟講,應該用中國躝出香港,呢個就真係如梁耀忠講係逐客令,只不過,喺必須令中國人知道香港人幾唔歡迎佢地嘅情況下,我就用 中國滾出香港 呢六個字作為遊行口號。其實原因好簡單,依家香港好多苦難,搶購奶粉、樓價天價、拐子佬問題、雙非問題、東江水問題、大白象工程等等,全部都係同中國人同中國有關,中國既然無法改善自己,咁唯有要求 中國滾出香港 ,只有港中分家,香港同中國保持一段距離之下,反而至可能有番良好嘅關係,正如我講,分開,係為咗做好兄弟,而唔係為咗反目成仇,一如新馬分家,反而保住咗新加坡同馬來西亞傳統深厚嘅關係,如果新加坡同馬來西亞當年持續交惡落去,一定係血腥開片收場,當時東姑拉曼以至李光耀,係十分有智慧咁樣睇到呢個問題。當然,貪慣嘅中國人,係唔會有呢種政治眼光同智慧。

梁耀忠呢啲人,係投共擦中共鞋都擦鬼錯晒,中共滾出香港,或者中共躝出香港,雖然共產黨一定唔高興,只不過,呢個口號其實仍然喺大中華膠嘅框架裡面,乜支聯會五大綱領唔係結束一黨專政,就算純粹喺捍衛一國兩制嘅立場,中共確係要滾出香港,香港嘅一制至叫穩陣。基本上,係一句可以容許各個反共派系各自表述嘅口號,係十分之好,但有啲人,幫共產黨做嘢落錯鞋油,呢次咪出事,獨派同親英派,依家可以大條道理,攞 中國滾出香港 上街,當中共無法滾出香港同中國果陣,咁咪要成個 中國滾出香港 ,至少直至到中國人會有反省能力,下定決心踢中共出中國為止,但依家,我睇唔到中國人有任何跡象同決心,踢中共呢舊垃圾出中國大地,咁 中國滾出香港 亦係唯一選擇。

發表迴響

你的電子郵件位址並不會被公開。 必要欄位標記為 *