英國大選-YouGov-賭撚-min

YouGov奇怪民調結果 :當 英國大選 賭撚當道之際

當好多人仲以為保守黨會喺 英國大選 穩操勝券之際,YouGov,同保守黨有相當淵源嘅YouGov,竟然出現一個hung parliament嘅民調結果。當然,YouGov嘅民調結果都可以係賭撚民調嚟,問題係,今年係一場賭撚選舉,英國選民嘅賭撚性格,喺BREXIT公投表露無遺,會唔會喺BREXIT談判前再嚟一個賭撚國會出現,真係天曉得。

迷失方向嘅 英國大選

Theresa May 成日將 strong and stable government,重覆又重覆, Have I got news for you 已經當成爛gag咁抽佢水,但保守黨係唔係真係咁 strong and stable,我睇唔係,因為唔少城市選民,一定想懲戒果啲昆佢地支持BREXIT嘅蛋散,票債票償呢樣嘢係好西敏寺制邏輯。另一方面,保守黨有人捲入選舉經費不實醜聞,有人被人落埋鑊告埋,對英國人嚟講,誠信係一個選MP必須考慮嘅問題,呢個亦係點解Dennis Skinner推斷保守黨必須尋求大選嘅原因。成班議員被人判監係要落台,如果Theresa May唔賭一鋪,攞個comfortable margin嘅majority,就講唔上strong and stable government。

只不過,工黨呢個左膠黨魁Jeremy Corbyn(高志民)你敢選佢做首相,都未計佢個重口味舊情人Diana Abbott(自己search,唔好要我貼相),兩件左膠孖寶簡直令人想死。只不過,由於呢次係賭撚選舉,Sinn Fein已經揚言,如果有必要果陣,為扶高志民做首相,隨時新芬黨啲MP效忠一次英女皇咁大把,宣誓入國會,屆時成件事就好黐線。一個IRA有關嘅政黨扶植嘅首相?乜撚嘢概念嚟㗎,我呢個英國人完全唔曉。所以呢次人人做賭撚嘅選舉,YouGov一路出咁嘅賭撚民調,我唔係唔了解,上鑊都無人估到英國人賭撚賭到支持BREXIT過撚埋添。

英國選民果陣好唔健康,攞國家前途嚟賭嘅投票行為,真係好牙煙,特別依家英國政壇檯面啲友仔都係膠嚟。所以,香港人應把握機會喺呢次大選投票,連Sinn Fein都打算賭,點解香港人唔賭埋一份,如果你喺英國本土住兼有投票權嘅話。

發表迴響

你的電子郵件位址並不會被公開。 必要欄位標記為 *