張曉明-本土-min

張曉明 :返去讀吓毛語錄再出嚟9up

張曉明 作為歷任統監府主任中,最不學無術嘅一個,相信好多人都同意,呢條友成日意氣風發9up,對香港人指指點點,但唔好話對香港政治,但連中共用嚟愚弄中國人果啲基本技倆都唔曉,如果話 張曉明 係港獨之父,北京應該早日捉佢返去打靶,都應該係無點死錯人。

張曉明 知唔知毛澤東金句

毛澤東有句金句,好多人都識,世上決沒有無緣無故的愛,也沒有無緣無故的恨。原文係嚟自1942年嘅《在延安文藝座談會上的講話·結論》,其實毛澤東講嘅嘢,只係阿媽係女人,就係人嘅愛與恨都有原因,如果你唔知原因想消滅愛與恨,呢個係無知而且魯莽。咁點解年青人會支持本土主義,甚至港獨,係唔係過去咁多年以嚟,尤其係 張曉明 你呢件仆街做統監府主任之後,貪腐嘅多,實事無做過之故?如果佢係真係讀過吓毛澤東嘅理論,佢應該走去收埋自己添,簡單嚟講,要解決港獨問題,唔係年青人要去檢討,要檢討係中共以及大中華膠,只不過,以中國人依家呢種永不知錯,永不認錯嘅本性, 張曉明 會有所反思或檢討,無乜可能,或者佢喺被中紀委捉咗返去雙規後,可能會檢討吓嘅,只不過我睇張曉明會唔會被中紀委落鑊去煮,都要睇今年中共十九大,依家中共十九大開大定開細都無人知,一件郭文貴就己經充滿唔少懸念同變數。

其實讀過吓毛澤東同一篇文章,都唔難明白,你要本土派好包容啲中國人,基本上係無可能,正如毛澤東都唔會走去包容資產階級喇,同一篇文,同一段嘅尾段,毛澤東係咁寫

真正的人類之愛是會有的,那是在全世界消滅了階級之後。階級使社會分化為許多對立體,階級消滅後,那時就有了整個的人類之愛,但是現在還沒有。我們不能愛敵人,不能愛社會的醜惡現象,我們的目的是消滅這些東西。這是人們的常識,難道我們的文藝工作者還有不懂得的嗎?

大愛?包容?毛澤東都一早講咗,大愛包容係on9,你會愛你嘅敵人嗎?用毛澤東呢句,嚟回應啲左膠都差唔多,點解左膠係膠,因為敵我不分,雖然毛澤東係人渣,但攞人渣啲嘢循環再用打啲低級人渣,都不失為一種環保行為嚟。

發表迴響

你的電子郵件位址並不會被公開。 必要欄位標記為 *