中國國航-min

中國國航 呢啲安全態度真係好鬼得人驚

中國國航 爭啲喺香港撞山事件,固然係好鬼嚇死人,話依家嘅飛機,多數有地形警告,都唔係攞嚟咁玩㗎。點知 中國國航 啲人嘅回應,果種當安全唔係一回事嘅態度,係更加之得人驚,我相信香港人喺考慮坐邊間航空公司嘅飛機果陣,應該諗一諗。

中國國航 當人命同安全係乜態度

在香港機場離場爬升過程中,機組對指令存在疑問,因無線電頻率繁忙,在與管制確認指令過程中先行轉彎,造成短時偏離正常離場軌跡,後經管制員提醒,機組及時修正,未觸發地形警告,亦未對安全造成影響。

以上咁多隻字,係 中國國航 喺微博上嘅正式回覆,其實係好得人驚,如果你唔知香港民航處嘅香港機場離場航圖,呢啲理由仲可以呃啲唔識民航嘅人,但我呢啲知少少扮代表嘅人,睇完民航處嘅航圖,都知未過PRAWN呢個waypoint係唔轉得彎嘅, 中國國航 機組人員可以用無線電通訊繁忙為理由,喺未有控制塔批准之下擅自轉彎,一係 中國國航 架機嘅導航系統出咗問題,令機師誤以為已經到達PRAWN呢個點,並且到達指定高度下轉彎,一係 中國國航 果位機師隨時唔知係乜高幹子弟,因為要死撐佢個位,所以喺安全問題上,攞啲乘客嚟開玩笑,所以呢啲恐怖答案都答得出。如果係後者嘅話,情況就更加令人心寒,因為前者仲可以講話係機件維修嘅問題。

中國國航 呢啲安全態度,其實係好得人驚,呢件事,其實無太多俾 中國國航 辯解嘅空間,因為Air Traffic Control嘅通訊幾乎已經係公開資料,ATC有無做錯,其實一聽番聲帶就知,而呢件事,民航處睇唔到有任何犯錯嘅地方。依家 中國國航 話俾大家聽,機組人員可以唔聽控制塔指示亂嚟,做乘客固然嚇個半死,依家中國啲機師係用啲咁嘅態度揸飛機,住喺東涌、大澳嘅居民,真係唔嚇破膽就怪,因為你唔知幾時無喇喇成架飛機撞入你屋企,屆時真係條命凍過水,有得根據國際法原則賠償都已經無晒意思,因為人命就係人命。

睇嚟,華航多年以嚟嘅惡名,可以由 中國國航 繼承,果然啲獨裁國家嘅國有航空公司,啲安全意識都衰過人。

發表迴響

你的電子郵件位址並不會被公開。 必要欄位標記為 *