Air China CFIT 2-min-2 航圖

航圖 係必要嘅,港龍機師係一定要折返

近日,有單極烏龍事件,喺6月1日,港龍由香港往小松機場嘅客機,竟然唔記得帶 航圖 ,喺台灣上空要折返,因為無目的地航圖,基本上,日本嘅Air Traffic Control係唔多可能俾佢入去,而機師亦未必有信心,喺無 航圖 協助嘅情況下降落。

航圖 有Google Map無嘅重要資訊

好多人都會話,唔記得帶 航圖 ,開國際海事衛星嘅Internet connection,用iPad開 Google Map 就得,一方面, Google Map load 唔 load到係問題,另一方面, 航圖 係 航圖 ,當中有唔少關鍵資料,呢啲關鍵資料,如果唔知係十分之大鑊,所以亦有必要折返香港攞番 航圖 再飛。至少攞一部可以offline用iPad 航圖 嘅iPad,完成成個飛行。

航圖 最關鍵嘅資訊,係入場嘅路線,同復飛路線,包括喺唔同waypoint嘅高度、方向、無線電頻率、雷達站,同埋有乜嘢位絕對唔飛得,軍民兩用機場係必須要知,因為飛錯地方係會容易被當成入侵者,輕則要由戰機escort入機場,屆時全場乘客真係膠到無朋友,重則可以被擊落,大家唔記得當年大韓客機喺接近千島群島上空點樣被擊落,呢個亦係點解美國政府決定開放GPS系統俾民航客機嘅原因,因為呢啲誤闖領空嘅事件實在太得人驚。更何況小松機場係軍民兩用,就一定無得講。

所以港龍機師唔記得帶 航圖 ,呢件事個機師一定要受紀律處分,因為呢件事係十分嚴重錯誤,隨時飛之前一晚飲大咗,或玩得太盡,所以至烏龍到唔記得帶 航圖 ,我相信民航處同港龍會作出調查,搞清楚原因,但Google Map好多嘢亦唔係萬能,至少喺 航圖 呢類專業相關嘅資訊,各國ATC上面嘅資料,係無可取代。香港CAD叫好,喺網上好容易搵到所有 航圖 相關資料,有啲國家,啲 航圖 資料係上網都搵唔到,你無hard copy,或offline可以查閱相關資料嘅iPad就真係跳得海,所以呢, 航圖 呢件事上面,港龍嘅做法係啱,就係折返香港,攞番 航圖 ,無錯,實要賠俾個客,但航空界係講求百分百安全,稍有閃失都唔得嘅行業嚟。

發表迴響

你的電子郵件位址並不會被公開。 必要欄位標記為 *