Air China-CFIT-min

Air China 爭啲玩出 CFIT 你仲敢搭

之前東航班大帝,個機師個牌懷疑淘返嚟,啲英文差到離晒譜,控制塔講嘢好似唔識聽咁,結果衝出跑道少少,香港機場北跑道停咗幾個鐘。你以中國啲國有航空公司 未膠夠?少年,你太天真,昨晚 Air China 去成都嘅航班,爭啲喺大澳對開撞山,爭啲係 CFIT 一級意外,間公司如果唔係中國嘅 flag carrier,真係執得。

Air China 爭啲玩 CFIT 難以饒恕

喺六四晚會後一個鐘,即晚上九點零七分,一架 Air China CA 428 由香港開往成都嘅 A320 Airbus 客機,原本應該一路爬升到一萬三千英尺,但突然喺三千英尺左轉到大澳方向,當時係低過大嶼山最高嘅鳳凰山少少,空管人員立即要求右飛,兼提升高度到五千英尺,好彩轉得切,否則就撞山空難,亦即所謂 CFIT。

Air China-CFIT-min
Air China-CFIT-min

CFIT 係一個航空界術語,全名係 Controlled flight into terrain ,係波音公司工程師發明嘅簡稱,一般嚟講,如果唔係機件故障,架機仍然可以受機師控制下撞落地面,就叫CFIT。當然,CFIT可以由控制塔搞出嚟,但由蘋果截錄錄音所見,CAD做得好好,十分之專業,英文口音無問題。咁好明顯,係 Air China 嘅機師發緊白日夢,睇嚟 Air China 必須交份report,解釋吓點解可以飛到爭啲撞山。

而點解呢次好大機會係 Air China 嘅失誤,睇番 CAD Aeronautical Information Publication 現行嘅離場ICAO標準離場路線圖就明,以下係一幅,如果要向西南方向飛離香港,再進入中國領空(越過深圳)嘅標準離場圖

Air China CFIT 2-min-2
Air China CFIT 2-min-2

當然,專業嘅嘢,最好大家請教公民黨籍國會議員,專業機師譚文豪MP,但照呢幅圖飛,一定係越過簡稱PRAWN呢個點,至可以左轉,同埋至少已經爬升到五千英尺,至可以左轉,呢個係有標準跟,所以點解我話呢單嘢,係好大機會 Air China 人為失當爭啲搞出 CFIT ,當然, Air China 亦有責任向CAD交出黑盒數據,確保當時架機無其他導航系統,或機件問題。

但可以肯定係,如果你要坐 Air China ,自己小心。

發表迴響

你的電子郵件位址並不會被公開。 必要欄位標記為 *