有事要搵民主黨,其他黨唔知去咗邊

雖然有事要搵民主黨呢句口號好娘,但雷曼迷你債券事件,以至毒奶事件,成棚公民黨(好在仲有公民黨?依家班友去咗邊)、X建聯、社民連(不過叫長毛、毓民處理雷曼事件有膠力,我放佢地一馬),希師奶唔知去晒邊,豉油黨,同老千蘭簡直同死咗一樣。係民主黨甘乃威,同埋就嚟卸任嘅單仲偕,真係做到嘢。由處理投訴、搵金管局官員、搞申訴大會,全部做齊。

甘乃威博客:雷曼苦主申訴

大家睇一睇甘威博客上嘅留言,大家都應該知道喺呢挺硬膠事件,市民真係要政客幫手出頭。大家睇吓阿傻嘅留言,我相信淫照案果陣,好多網民都係咁睇:

因為之前我們聯絡過好些議員,怎至區議員,都似怕了我們會連累他們似的,說二句就掛線,怎至記者亦只視之没價值報導的事,那種難受不能筆黙形容,已經知道金錢損失不非,又怕親友知道,獨自望著天花板眼光光的知味,這次會面,最基本可以同路人見下面訴下苦,其實我們毎晚都在上討論區至深夜,累極才能閉上眼休息一會,又面對另一天的情緒折磨.

仲有一個留言仲精彩,可以睇到香港班政棍,真係棍嚟:

上個星期三 (9/17) 知道出事後,本人真係跳入了一個深谷,因為一夜之間,家中老人家之棺材好可能化為烏有,當時真係求助無援:致電銀行無人理、致電政府部門無人理、打去某些政黨居然有人叫苦主用民事訴訟告銀行、有些獨立立法局議員,居然於9/19接到本人之救助,但一路也沒有回覆,到今天 (9/22),見事件已引起公眾關注,便回覆本人。

甘乃威未必能夠真係幫呢班苦主拎番錢,但令政府要做嘢、傳媒關注呢件事,同埋知道呢班銀行昆人大帝點昆人,就已經好夠。

有事要搵民主黨嘅英文版係DPHK Works!呢次證明,呢句口號唔係吹水,咁就夠。我在9月7日投俾甘乃威,我覺得係值。正如點解好多網民今年成堆湧出嚟投長毛,你估好似驗尿勤講長毛無做嘢㗎,淫照案果鋪天寒地凍出嚟遊行,就係長毛。市民識睇嘅,甘乃威係貨正價實去做,你估好似某些議員,棄區潛逃不知所謂。

延伸閱讀

林忌:有事要搵民主黨

One thought on “有事要搵民主黨,其他黨唔知去咗邊

  1. 今日(10月1日)經過元朗大馬路與大坑渠交界,看見民建聯有2大banner掛在馬路兩岸,上面寫著是「迷你債券,害人不淺」,然後呼籲大家遊行抗議銀行的不良推銷手法。

    我上網匆匆看過(不敢作準),民建聯最早在9月25日才出手幫拖,比民主黨遲了數日。

    大眾對於那個政黨幫手做事,除了看報紙,也會看街上的政黨宣傳。如果說傳媒偏幫民建聯,使民主黨明明有做事也處劣勢,也無可厚非。不過,街板等宣傳也有一定的作用,但我看到大馬路只有民建聯的BANNER,沒有民主黨的BANNER。這會使只看印象的市民,真的以為只有民建聯做事。

    民主黨為何不多做點宣傳呢? 是不是有資金及人手不足的問題?

發表迴響

你的電子郵件位址並不會被公開。 必要欄位標記為 *