支聯會-活化-min

活化 支聯會

大家應該仲記得,今年一月我攞香港站故宮壁嚟玩膠,無喇喇林鄭月娥用公帑送咗好大塊故宮壁嚟「助選」,點知被我用嚟活化,依家故宮project唔知去咗邊,亦成為 支聯會 罕有玩膠嘅例子,如果 支聯會 肯咁玩落去,其實呢個老態龍鍾嘅組織係可以活化。

活化 支聯會 係雙贏

其實故宮壁玩膠,點解係活化 支聯會 ,因為本來每年六四晚會,維園都會有呢幅咁大幅嘅天安門廣場噴畫,只不過Quality好差,搞到仲衰過無記佈景板,如果有人肯捐助支聯會,印一個高清嘅版本,再擺啲假坦克喺度,公眾對當年歷史現場嘅投入感就會好好多。究竟中共有幾仆街,都要有啲具體嘅嘢展示出嚟。

其實我一直以嚟,都唔介意攞中國嘅議題,借刀喺推廣港獨、台獨呢啲議題。因為我經常喺台灣用嚟拆穿國民黨果啲假統派,呢班友啲自相矛盾出晒嚟,第一次我咁玩膠,係達賴喇嘛訪台,馬英九唔敢見,我寸馬英九連一個由蔣介石年代蒙藏委員會有份指認嘅達賴喇嘛都唔敢見,統條毛,結果民進黨直轄市長陳菊出嚟見,玩殘馬英九。所以大家見到,馬英九做咗中華民國總統,六四唔敢直斥其非,相反,蔡英文可以大大聲抽中共水。所以我話黃毓民係國民黨啲垃圾有原因,有好多年青本土派,仲當黃毓民啲論述係寶,黃毓民果套正係民進黨之前未能完全執政嘅原因嚟。2008年後,民進黨嘅「香港戰略」同「中國戰略」,令民進黨得到逢佛殺佛。所以我話熱普城病毒下影響嘅港獨,會搞出非洲式港獨咪咁解,一班無論述、無實戰經驗嘅友仔,又無民主自由概念,最後仲唔係搞出fail state?

其實大家睇到,故宮壁活化咗 支聯會 一次咁大把,依家政府都唔敢再攞故宮出嚟認屎認屁,究竟香港故宮呢個project搞唔搞,都成一個疑問。 支聯會 其實只要改名做香港市民支援中國民主運動聯合會,就十分之好用,獨派組織大可以申請加入支聯會,當然唔係拆大台,但由於變咗支援中國民主運動,就可以將唔少本土有關議題合併作戰,例如西藏、東突嘅語言問題,同普教中問題一齊打,係唔係爽十倍?

一個真正嘅港獨分子,戰場可以按戰略需要自由行走。黃毓民教係一條死路,大家依家明點解未?

Feature Image
Sony A7 + Carl Zeiss Sonnar 90mm f2.8 T*

發表迴響

你的電子郵件位址並不會被公開。 必要欄位標記為 *