六四 - 悼念

六四 悼念之路點走落去

雖然今年中大學生會同黃毓民講啲嘢太柒,搞到成班人衝去支聯會嘅 六四 燭光晚會,維園依然坐滿六個硬地足球場,以及坐滿半個草地。只不過, 六四 悼念之路點走落去,就好似我呢幅 Feature Image 嘅主題一樣,係一條光明正義之路,但無基礎。

六四 必須走向本土化

支聯會嘅集會唔係維穩,如果黃毓民覺得自己咁夠薑繼續中華民國國軍將領反攻中國之志,唔該佢自己搞隊軍隊,執行蔣中正嘅任務,唔好喺度嘴炮鬧支聯會,支聯會每年至少有搞個集會,你估容易嘅,你試吓叫黃洋達去搞喇笨。仲要搞呢啲集會要孭法律後果,我申請過《公安條例》嘅不反對通知書,我知果啲係乜叉嘢嚟。

但依家支聯會點解越嚟越少群眾基礎,因為件事無法本土化,妄想用 六四 集會嚟扭轉港中分家之勢,呢個係拖累成個 六四 議題,簡直係黐線。無錯, 六四 集會係有一定本土化,例如血染的風采用梅艷芳版本,唔再用中國嘅版本。盡量俾年青人上去發言,但成件事問題,內容仍然係強調乜嘢同胞,又無一定相應英語版本(但唔敢再有華語版本嘅嘢,費時被人屹。)我同意, 六四 係必須要加強講中共點仆街,作為港獨派同親英派,對呢啲控訴中共點仆街嘅場合,我係樂觀其成,只不過,意識形態上,如果要拉攏國家認同上完全否定中國果批人,用字係必須要改,依家係遠遠唔夠,本土化行得太慢。

另一方面,我唔反對 六四 集會籌款,因為香港根本無正常嘅籌款途徑,你估黃毓民呀。但果啲「珍惜群組」嘅大屠殺否認者,係一定要逐個搜集資料,然後算賬,無理由得我一個人做,我試圖逐個影呢班仆街嘅樣果陣,啲人爭啲襲擊我,香港警察係及時阻止班友郁我,但呢張相點影出嚟,大家諗吓

六四 否認者
六四 否認者

對珍惜群組呢班人渣,必須逐個起底,起底起到連住址同資金來源都要起出嚟,然後交俾各國嘅情報機關,終有一日,呢班大屠殺否認者,係必須被法律制裁。同人渣辯論係無用,拉人至有用。

Feature Image
Sony A7 + Carl Zeiss Sonnar 90 2.8 T*

內文相片
Sony A7 + Carl Zeiss Biogon 28 2.8 T*

發表迴響

你的電子郵件位址並不會被公開。 必要欄位標記為 *