李克勤-微博-min

李克勤 點解變咗送禮勤

李克勤 喺2005年送禮俾曼聯,點知幅畫遺留喺更衣室,被恥笑為送禮勤。 李克勤 可以講係娛樂界同阿叻、阿倫一個級別嘅smart ass,左倫、右李、荷蘭叻,名震江湖,點解可以膠到呢個level,我一直都唔多明,好歹條友都係盛產smart ass嘅香港華仁書院畢業。

李克勤 只識擦鞋,無知到爆

李克勤 今日竟然諗住用香港IP喺微博出文,過去幾年,香港人一直玩膠,將維園嘅燭光傳播返入中國,搞到中國啲網絡審查人員煩不勝煩,所以微博自此喺6月4日都封咗海外IP,費時有人日日玩膠,抽得啲審查人員去刪文,就無人手喺海外出五毛post宣揚歪理。喺微博世界,6月4日例必封鎖,呢個幾乎已經係人類常識嚟,中國網民亦普遍知道當中原因。 李克勤 竟然唔知,仲明知故問,我唔信呢條友會曲線宣揚民主運動,好明顯,條友擦中國鞋,擦到唔記得咗呢件事,或扮唔記得咗呢件,連自己唱過《民主歌聲獻中華》,以及《後會有期》呢首講1989年後移民潮嘅歌都唔記得咗。

點解香港啲土共擦鞋仔,好多都被人鄙視,因為佢地又要扮smart ass,但自己係連擦鞋應該用乜鞋油都唔研究清楚,有鏡頭就蒲頭,日日喺鏡頭前9up都好似無嘢發生,簡單嚟講,就係一班貪威識食,毫無修養嘅人。所以, 李克勤 雖然把聲叫唔錯嘅,但呢幾年越嚟越受鄙視,依家剩番都係一班中坑聽眾,如果有年青人話自己鍾意聽 李克勤 ,你鍾意聽呢個全香港最鍾意扮醒嘅蠢才,荷蘭叻同扮唔老麟嘅朋友,自己個level都一次過downgrade晒喇。 李克勤 一味只喺諗住發展中國市場,因為中國呢啲只識追星,不求內涵嘅人都好多,點知條友對中國國情知其一不知其二,一如只識得喺曼聯攞盃果陣攞威,但唔知費爵爺嘅脾性,結果呢次咪一次膠爆。

簡單嚟講, 李克勤 代表係一班勝利球迷式思維嘅人,既無主見,亦無學識,一有政治大變做冼拿做唔切,就一定車毀人亡。其實好多香港人都係咁,只不過 李克勤 做得特別蠢,遺忘自己嘅柒史嘅結果,就係再柒一次,柒出宇宙。

發表迴響

你的電子郵件位址並不會被公開。 必要欄位標記為 *