否認屠殺罪-min

否認屠殺罪 係遲早都要立

雖然有班愛黨力嘅契弟否認1989年有大屠殺,但北京自己都唔敢咁厚顏,木墀地派人巡邏就可以反映中共有幾心虛。無錯,天安門廣場未必死好多人,但木墀地果度簡直係屠房呢。所以我一向都認為, 否認屠殺罪 ,香港一歸英或獨立就要立,跟隨人類主流文明社會嘅步伐。

否認屠殺罪 係維護人類基本文明道德

對明光社呢類偽道德組織,我之所以十分之反感,因為講危害人類基本文明道德嘅行為,最厲害應該係鼓勵用軍隊殺人或種族滅絕,但明光社對1989年北京大屠殺無無賴行為,或文匯大公,愛黨力之流公然偽證嘅行為,明光社有斥責過嗎?無囉。喺歐洲國家, 否認屠殺罪 得英國同愛爾蘭無立法,其他歐洲國家都立咗,因為鼓吹屠殺根本係法西斯反人類行為,對反人類行為點可以容忍?

甚至,亞洲國家, 否認屠殺罪 係更有必要,大家睇吓遠東,發生過幾多慘絕人寰大屠殺

  1. 台灣:228大屠殺
  2. 中國:三反五反
  3. 中國:大躍進
  4. 中國:文化大革命
  5. 中國:6月4日北京大屠殺
  6. 日本:南京大屠殺
  7. 大韓民國:光州事件
  8. 北韓:由金正日到金正恩,我都唔知殺咗幾多人
  9. 柬埔寨:赤柬
  10. 印尼:排華、反共大屠殺
  11. 緬甸:軍政府迫害異見人士大屠殺

歐洲國家,唔計俄羅斯、白俄羅斯同土耳其,大部分都對呢啲人渣行徑有所反省,但亞洲國家呢?個個亞洲國家都喺度搬龍門,係大韓民國同柬埔寨好啲,其他果啲,我真係覺得沒有誰比誰高尚。甚至為咗反共,走去黐線到鼓吹另一啲大屠殺(叫我為反中國去拜靖國神社啲甲級戰犯,我做唔出),你覺得亞洲係唔係更需要 否認屠殺罪 。

而漢字系國家係特別需要,大家睇吓,漢字系主要國家,南北韓、日本、中華人民共和國、中華民國,我想問,邊個隻手係乾淨,講真,喺咁多個漢字系國家政權,可能香港同新加坡係最乾淨,至少呢兩個地方無出現無人性嘅大屠殺,你話係唔係亞洲國家,比歐洲國家更需要 否認屠殺罪 ?至少好似傅振中、郭蘭英呢啲人間垃圾,全部係應該送去坐幾年監反省下,而唔係仲喺呢個世界上大發厥詞。

六四係一個時間,反省歷史同人性,唔係搞民族主義或者搞私怨。

發表迴響

你的電子郵件位址並不會被公開。 必要欄位標記為 *