小巴-座位-min

小巴 加座位問題嘅牛鬼蛇神

小巴 加座位嘅爭議去到尾聲,雖然民建聯大部分時間都係企喺有問題嘅一邊,但 小巴 加座位問題,好罕有咁,劉國勳同陳恆鑌係企喺人民嘅一邊,主動修訂加到20座。連土共都支持20座,我唔明政府點解呢次唔俾民建聯成功爭取。

健吾 黃永 小巴問題亂評一通

運輸署喺 小巴 座位問題上面,故意用19座呢個數字,係咪要全香港人繼續只得豐田Coaster可以坐,呢件事,全部立法會議員都知,政府咪當香港啲政客喺民生問題上都係豬至得。所以呢件事,開放小巴市場嘅唯一方法,係跟歐盟定義,唔過七米半一律係小巴,座位點排完全喺座椅尺寸合符法例,由製造商自己搞掂,呢個至可以開放競爭,同埋為引進低地台小巴呢啲嘢鋪路。限尺寸,好過限數目,除非政府要益個別公司,咁隨時會引嚟廉署調查。

只不過,香港有兩位垃圾評論人,平日已經唔多見佢地有乜建樹,難得保皇黨有人肯做嘢,應該讚吓至係,點知呢兩條友只係講係做騷,就否定晒人地做嘅嘢,一件係梁粉黃永,我依家仲等緊佢係唔係咁堅決唔入政府做新聞統籌專員。另一件叫健吾,兩條友喺尋晚人民大道中講嘅嘢,個節目話喺人民嘅一邊,但講嘅完全係兩回事。

健吾呢個垃圾人,我一向唔批評佢,亦唔share佢,因為費時益咗佢,呢啲友仔嘅特色叫沽名賣直,同熱普城差唔多,你以為佢踩緊民主派好型,無錯,泛民有唔少膠人,但泛民有唔少做嘢嘅人,而健吾,同我講佢做咗乜嘢,喺香港近年本土運動有乜建樹過?我諗,我仲有資格去公開批評呢啲拆大台就無替代方案嘅友仔。如果你認為陳恆鑌同劉國勳喺 小巴 座位問題上做戲,咁健吾咁通日文,可唔可以請佢地名古屋一轉,問吓豐田總公司,佢地知唔知成個Coaster霸權點搞出嚟。佢識日文去問,好過我寫啲漢字黨式日文喇,係唔係?我自問日文真係極水皮。

黃永 如果咁恨入政府,唔該快快趣趣入番政府算,有啲立場,誠實啲好過依家喺商台扮晒魚蝦蟹。至於健吾,我係連佢搞嘅content farm都唔睇,大家覺得佢好型,大家問心果句,有乜權貴佢真係隊過,或有乜本土議題佢真係出力過。

發表迴響

你的電子郵件位址並不會被公開。 必要欄位標記為 *