陳富明-min

陳富明 做議員唔該以身作則咪亂泊

老闆車變咗香港公害,呢個全港島都知。之前都講過,有乞兒老闆車為咗自己有得亂泊落去,反對興建小巴總站都夠膽死。如果海濱南岸鼠王芬啲老友係乞兒,睇怕田灣呢位亂咁泊車嘅議員 陳富明 ,簡直係乞兒之霸,我都未見過咁嘅style嘅區議員。

陳富明 好心你條友以身作則好唔好

陳富明-min
陳富明-min

話說南區萬事屋個page,貼咗條友喺田灣亂泊廿四被鎖車,本來呢啲乞兒車一早應該鎖咗佢,以警傚尤。點知,個page一貼架車,啲居民就認出係田灣選區土共區議員,成日都自動當選嘅 陳富明 架愛車嚟。我相信,香港有唔少政客本身都有份參與違泊行為,否則啲土共議員點會包庇啲違泊樁腳得咁爽手, 陳富明 做議員自己都唔以身作則,為咗社區嘅交通安全泊番喺停車場,你叫市民乖乖唔亂泊車,睇怕都有啲難度嘞。

陳富明 呢條友應該向公眾道歉,我亦都呼籲,為咗田灣嘅社區著想,係時候應該搵人落去呢個成日有人自動當選嘅區做吓嘢,掃走 陳富明 呢啲垃圾議員。呢啲垃圾議員,我有時行過田灣,唔見呢條友有乜建樹,只不過,亦見佢好似無大害,所以唔認為係重點整治對象。只不過,依家 陳富明 玩埋呢啲膠嘢,睇嚟呢條友都嫌自己連任得太舒服,係時候落去社區搞搞佢,當然,係唔歡迎熱普城,大家見鄭松泰變相捧何君堯呢啲人渣上台,大家仲嫌睇得唔夠飽,熱普城如果扮落區做嘢,狙擊呢班搞亂香港嘅冚家鏟都差唔多。

另一方面,私家路,或公屋範圍嘅違泊行為,唔理架車屬於邊個,都應該加強執法。對於好似公共小巴、保姆車一類公共交通工具,可以鬆手啲,但老闆車係一架都唔可以放過。職業司機可能因去廁所,或送貨而違泊,仲有少少理由,老闆車亂泊係無理由,公職人員車輛違泊,係無理由中嘅無理由,因為社區啲選民唔係選你出嚟搞亂個社區,而違泊行為本身,一定會搞到社區亂上加亂。所以房署啲人,見到 陳富明 架車係照鎖就得,鎖多幾次佢條友就自然識做,好似依家咁違泊到被人恥笑,本身就已經係額外懲罰喇。

大家亦要用呢個例子提醒上一輩,蛇齋餅糉有代價,投票果陣咪亂嚟。

One thought on “陳富明 做議員唔該以身作則咪亂泊

  1. 呢個只識收納稅人給他的人工,原全沒有為居民做過一件好事,就以田灣商埸為例,他完全沒有為居民爭取過,我懷疑他是否有收取利益之嫌。ICAC也應該查查佢

發表迴響

你的電子郵件位址並不會被公開。 必要欄位標記為 *