六四-本土

六四 與本土

今年 六四 少咗好多人提,當然要多X謝熱普城,以及支聯會果班大中華膠。雖然我係港獨派,甚至我嘅港獨派睇法萌芽,係同1989年北京大屠殺有關。 六四 你話無關本土,又唔係,因為 六四 令大家睇清呢個政權嘅本質,但 六四 亦唔應該係俾班大中華膠用嚟煽動民族主義運動之上。

六四 係屬於全世界人

對我嚟講,今時今日 六四 都係我支持港獨嘅理由, 六四 係同南京大屠殺、光州屠殺、猶太人大屠殺同一級別嘅反人類罪行,所以呢個亦係我點解,我雖然尊敬坂本龍馬,但我唔會係靖國神社致祭嘅理由,因為日本皇軍甲級戰犯,等同納粹戰犯,我本身就係反對法西斯主義、納粹主義,又點可能同東條英機呢啲躹躬?作為一個英國人,無理由走去支持任何反人類罪行。

支聯會將 六四 變成一場民族主義運動,其實係有辱亡靈,而且十分自私嘅行為。我相信對亡靈嚟講,佢地係要國際社會支持,否則點可能昭雪。依家支聯會有啲人仲冥頑不靈,強調 六四 嘅民族性,呢個等於將追究屠城責任呢個訴求嘅潛在支持者拒諸門外。所以,我對 六四 晚會播羅文《中國夢》呢首歌極為反感,黃霑作嘅詞,其實同日本式軍國主義只係一步之遙,香港人咁都聽唔出,呢點我都真係感到十分之奇怪。

其實 六四 嘅慘劇,係最能夠justify依家獨派要求歸英,或者勇武抗爭嘅訴求,學生和理非非,都只係換嚟軍隊大屠殺,點解唔學郭文貴,以牙還牙,以眼還眼,但有班所謂本土派,竟然係叫人唔悼念當年嘅死者,喺 六四 呢個問題上嘅立場分歧,係我點解對熱普城呢班友持極大質疑嘅原因。正如點解我作為獨派,會諗到將故宮壁同六四撈埋一齊玩,真正嘅歸英派同獨派,唔會因支聯會啲大中華膠on9唔放棄 六四 嘅堅持,但假貨,就會出現一啲十分之奇怪嘅論述。

支聯會嘅簡稱唔駛改,但支聯會如果想求取香港唔同政治光譜公約數,應該將香港市民支援愛國民主運動聯合會,改名為香港市民支援中國民主運動聯合會,呢個對獨派同親英派,佢地都可以當成一個國際議題去支援。支聯會諸公為咗 六四 不被遺忘,應該考慮一下。

One thought on “六四 與本土

  1. 《中國夢》有咩軍國主義,真係我都聽唔出喎。你又好似冇解釋過。

    因為「睡獅吼響驚世歌」﹖
    但係驚世又唔代表要侵略人。(講笑咁講﹕遊客周街大便都好驚世 LOL)
    吼更加唔代表乜野,《We are Singapore》一樣有句「We will stand together hear the lion roar」。

    我諗大家唱《中國夢》主要係為左最後句喎。「五千年無數中國夢,內容始終一個﹕要中國人人每一個做,自由樂暢幸福我﹗」

    諗左去軍國主義,除非有更清楚講到究竟邊一句同點既語境可以解釋到咁,否則真係有點捉錯用神。

發表迴響

你的電子郵件位址並不會被公開。 必要欄位標記為 *