機管局-min

機管局 搞掂terminal設施至好搞三跑喇,仆街

人去東京係shopping,我去東京就去查案,查咗成個禮拜要返嚟。一返到嚟香港,就火都嚟埋,因為機場果條由arrival gate去到immigration果條鐵路,人滿為患。 機管局 有正經嘢唔做,收咗水咁多水就起條三跑唔知做乜,唔想爆粗就怪。

機管局 搞掂terminal設施不足問題先喇

一落機,梗係快快搭鐵路去入境香港,點知,果段鐵路迫嘅程度,可以同港鐵金鐘站有得揮,有唔少旅客,係要等一班車至可以上到,因為成班坐廉航嘅友仔,已經填完列車嘅空間,你覺得你坐一般航空公司果啲朋友可以搭到車?好明顯, 機管局 係咁俾啲航空公司上客,但機場客運大樓嘅設施,已經出現咗供不應求嘅問題,好多旅客遇到咁嘅情景,唔火滾就怪,大佬,坐飛機你估係唔令人疲累架。

跟住攞行李,以前香港機場攞行李係快見稱,但五月為查案去咗兩次日本,一次名古屋中部,一次東京成田,兩個機場以前都係慢過香港攞行李,呢兩次,喺日本幾乎入境之後就攞到行李,相反,香港係等咗成四個字至半個鐘至攞得齊行李,跟住幾個航班共享一條行李輸送帶,你知香港人喺東京shopping有幾勁至得,各大航空公司都係放寬日本航線返港嘅行李重量嚟爭客,跟住有班旅行社啲客,又遇到攞住啲大型貨辦嘅日本商務客,你諗吓情況可以混亂到乜嘢程度。

機管局 依家最大問題,係為咗cap水,仲要明顯係幫中國嘅建築公司cap水,就走去起條無乜用嘅三跑,其實依家香港機場最需要係擴建客運大樓嘅處理能力,例如中場客運廊根本係黐線設計,係直頭要諗Terminal 2嘅問題,將啲LCC客送晒去Terminal 2,同埋要有個機場快線站,但依家機場快線總站擺咗喺博覽館,結果係自綁手腳。靠機場內部嘅鐵路去處理中場客運廊嘅人流,呢啲係乜XYZ idea嚟㗎,我依家親歷其境,簡直覺得件事膠爆。如果搞三跑又處理唔掂啲客量,一定搞到啲旅客火都滾埋。

我諗 機管局 班粉皮,如果佢地玩SimTower(喺iOS,有隻叫The Tower嘅遊戲,就係當年果隻遊戲),實成座大廈都係紅色人仔,大家諗吓點解喇。

發表迴響

你的電子郵件位址並不會被公開。 必要欄位標記為 *