半沢直樹-min

半沢直樹 係點樣搞出嚟

呢幾日我喺東京法務局出入,連法務局啲人都認到我呢個識寫日文但唔識講日文嘅怪物果陣,我腦海浮現其實係《 半沢直樹 》嘅畫面,以及果句經典對白:やられたらやり返す、倍返しだ!! (以牙還牙,加倍奉還)。甚至係果句:100倍返しだ! (百倍奉還)。

半沢直樹 嘅社會環境

對好多人嚟講,日本係秋葉原,係京都,係溫泉,係藥妝店,吃喝玩樂,甚至去日本讀書、做嘢,都未必要面對官僚制度果種公務員如果心術不正,就一定走火入魔嘅世界。但呢幾日我出入東京法務局查冊,雖然東京法務局呢排強調已經係人權之世紀一類口號,但日本官僚嘅制度,我作為英國人,我可以咁講, 半沢直樹 係幾乎你要尋求公義嘅一種態度,你無呢種覺悟,唔好話喺香港,喺日本都休想尋求社會公義。

喺日本公司法裡面,其實查閱基本公司資料,呢個係考你基本嘅處理表格同文件能力,但查閱公司股東大會紀錄,股東名冊(株主名簿)呢啲嘢,根據日本商業登記法第十一條:登記簿の附属書類の閲覧について利害関係を有する者は、手数料を納付して、その閲覧を請求することができる。關鍵字係四個漢字,利害関係,咁乜嘢叫有利害関係,其實係無一個嚴格定義,呢個要法務部登記官信納呢件事,即係登記官有好大嘅裁量權。呢種裁量權如果俾官僚經常使用,係可以十分之危險,連政府部門做嘢都可以有咁大片灰色地帶,更何況私人機構。

日本好多程序嘅嘢,無話得定唔得,只不過,由於官員裁量權大,加上有好多嘢,係故意user-unfriendly,例如,香港商業登記annual return所夾付嘅文件,其實都會pdf化,你可以查得到,只係俾錢問題,但喺日本,你網上睇都無用,你必須去間公司登記嘅自治體嘅法務局,睇一本擺喺office嘅文件copy,仲要唔准影印,只准影相,所以基本上,你決心唔夠,資源唔夠等等,就可以被hea走,所以,日劇 半沢直樹 呢種人至可以求得公義,得到日本人深深共鳴,其實係同當地人生活極之接近。

所以公司條例嘅查冊權利係必須捍衛,而喺一個充滿灰色地帶嘅社會,你必須有 半沢直樹 嘅意志。

發表迴響

你的電子郵件位址並不會被公開。 必要欄位標記為 *