法務局-查冊

DTZ日本調查行動: 日本 法務局 查冊有幾難

如果講玩仆街嘢嘅天才,梁振英係香港第二,都無人敢認香港第一。由梁振英喺DTZ事件嘅玩法,以及日本 法務局 查冊程序果種高度用家不友善,你可以睇到,梁振英如果唔係熟悉日本公司法,根本就唔敢喺UGL案果度舞嚟舞去。

法務局 係程序上唔多想你查冊

香港查冊,幾乎係只要識用Web browser都可以做嘅事,只要打公司名,信用卡或PPS俾錢,就有一份pdf。但喺日本,成件事無咁簡單。你首先,你要確定你調查對象果間公司,特別係会社法人番号,否則你查到天荒地老都唔會查到嘢,呢個對大部分唔識日文嘅人,已經唔駛玩落去。

就算識日文,都要有耐性面對日本嘅官僚程序,因為受英國Home Office嘅訓練,所以天下間無比英國國籍法更仆街同麻煩嘅法律,所以日本嘅官僚程序,我叫還好。你查冊,你查到会社法人番号,都要俾錢印份履歴事項全部証明書出嚟,因為你無呢份嘢,你唔知exactly要乜文件,而啲官員,喺你進一步調查果陣,係有權要求你出示呢份証明書,你無呢份嘢,立即DQ。

好嘞,好似我咁好氣,攞到份履歴事項全部証明書,跟住果關至係磨足你一日,因為株主総會紀錄,株主名簿等等,全部係叫附属書類,你要用日文,寫附属書類閱覽申請書出嚟,用英文都無用,因為英文係不受理。而且正常公司用查冊,只有關係人士,例如你將會買呢間公司嘅株式,或者你係呢間公司嘅股東,就可以睇文件,係閱覽,唔係印出嚟。呢個亦係梁振英敢攞日本當BVI咁用嘅理由。因為正常香港記者,係唔會有呢類日本公司法知識。

日本有樣嘢最衰係,動產譲渡,例如機器,係可以向法務局登記,但株式譲渡,係唔會好似香港咁,有Annual Return 1,或者一大堆指明表格,而且可以公開查閱,呢個變成咗一個黑洞,你一定要敘明成件事來龍去脈,而且敘明,呢件事有可能同香港法律有關,日本法務局嘅官員,畢竟係律政部門出身,就會知道當中嘅問題,並且會提供必須嘅協助,雖然呢件事因為涉及成個官僚系統,絕對需要時間。

為咗個梁振英,我嚟咗兩次日本,大家依家明有幾艱辛。

One thought on “DTZ日本調查行動: 日本 法務局 查冊有幾難

發表迴響

你的電子郵件位址並不會被公開。 必要欄位標記為 *