香港-攔截軍機

香港東南 攔截軍機 ?解放軍傻的嗎?

美國國防部指,解放軍曾經喺香港東南240公里 攔截軍機 ,美國政府指中國嘅舉動係唔專業。啲五毛糞青一定唔覺得自己有幾唔專業,但如果對航空業有一定常識,都會認為中國 攔截軍機 嘅行為,只能用香港語文嘅on9嚟形容呢種行為。

喺香港飛航情報區 攔截軍機 傻的嗎?

美軍喺香港東南240公里飛行,呢個係屬於香港飛行情報區(Hong Kong Flight Information Region)範圍,基本上,幾乎成個南中國海,都係香港飛行情報區範圍,咁劃唔係無解,因為呢個係確保咗南海各國嘅航行自由,只要通知咗香港機場控制塔,基本上,中國應該自由俾各國軍機飛行,而唔係玩 攔截軍機。而好多民航機,取道香港飛行情報區飛行,亦因為香港飛行情報區少受軍方干預,只要俾咗香港過路錢就得﹐唔同中國領空,得有限嘅航線可以飛,而且好容易受到解放軍唔合理嘅干預,影響飛行計劃,以及航班嘅準時程度,因此影響到旅客。而1997年後,中國同台灣仍然可以透過香港轉機,亦都係因為由《中英聯合聲明》衍生香港以及香港飛行情報區嘅中立性質所致,呢點係好重要。

依家中國咁玩,即係中國有意走數,影響香港嘅自由港地位,以及由香港地位衍生嘅南中國海飛行自由,對美國嚟講,係十分之大件事,因為美國唔單只可能會喺南海主權問題上,採取同中國打對頭嘅立場,更加可能重新考慮香港嘅問題。以往英美加強喺香港問題上嘅參與,甚至德國都會,有保護僑民同利益嘅考量,但未必涉及港獨呢個問題,甚至未必會支持港獨或歸英。但如果中國咁玩,危害到香港自由港地位,甚至南中國海領空嘅飛行自由,美國對香港問題嘅立場就完全唔同,以往未必會支持嘅港獨或歸英呢啲睇法,都可能因香港飛航情報區嘅問題,而有所改變。

中國喺南海問題嘅做法越野蠻,美國同各國對中國嘅態度就越強硬,依家解放軍咁 攔截軍機 ,其實係開啟咗得罪世界各國之門,只不過,依家中國政府同人民嘅心理狀態,同二次大戰結束前嘅日本帝國一樣,類似蠢事肯定會嚟多幾次。

發表迴響

你的電子郵件位址並不會被公開。 必要欄位標記為 *