馬紹祥-min

馬紹祥 謝偉銓做發展局局長一樣衰

曾經唔知點解俾人偷過文件同iPad嘅發展局局長 馬紹祥 ,最近又捲入港珠澳大橋變豆腐渣大橋嘅爭議,因為今次涉及嘅公司, 馬紹祥 都做過高層,令大家懷疑, 馬紹祥 會唔會為咗包庇某啲人,唔再追究落去。

馬紹祥 謝偉銓呢啲友反映嘅問題

當然,如果 馬紹祥 喺港珠澳大橋啟用之後,日日自己揸一轉,最好陳恆鑌議員陪埋佢,以兩條友嘅人命擔保,咁港珠澳大橋睇落都應該係安全嘅。只不過, 馬紹祥 長期喺各大工程公司做過,之後至入政府做副局長,然後做埋局長,其實都明顯係好容易有各類型利益衝突糾纏不清。呢個正正係當年董建華搞乜嘢問責制,又無議會民主制度配合之下,完全係不倫不類,搞出啲四不像怪物嘅結果嚟。呢個由董建華諗出嚟嘅制度,正正係香港官商勾結失控嘅元凶。

喺英國,因為部長一定由上下議院嘅議員兼任,所以有議員嘅利益監察機制去防止呢班友亂嚟,好少重要嘅大臣由上議院嘅貴族做,所以基本上,你做大臣期間出咗事,你下屆都應該唔駛選MP落去,呢個就係英國嘅部長一定問責嘅原因,因為出咗事係要票債票償,無得走數。依家香港果套係學美國,但美國嘅三權分立係世界最嚴,好多三權分立唔清嘅國家俾好大權總統或者行政機關,結果周不時就係出事完又出事。因為總統啲親朋攞嚟濫權,呢啲事不斷發生,你睇中南美洲國家,同埋菲律賓,你就知權力有如皇帝嘅總統,如果無適當制衡,結果同搞帝制係一樣咁衰,只不過係個名唔叫帝制嘅帝制,董建華條木咀,咪玩埋呢啲無問責嘅問責制,利益衝突咪多籮籮。

所以香港如果要回復善治,就算歸英之後變自治領或者共和國,都只能行西敏寺式制,部長必須係民選國會議員,如果啲友亂嚟,選民可以票債票債KO咗佢,唔可以再行美式嘅制度,美式總統制,往往部長係最唔駛問責果個,一旦濫權,除非去到刑事程度,否則你係無佢辦法,有時候,暗濫權同明貪污對社會嘅傷害一樣可以好大。至少我依家食花生緊,究竟馬紹祥、謝偉銓同陳恆鑌,敢唔敢日日都揸一轉港珠澳大橋,享受一下充滿PM 2.5嘅海風。

One thought on “馬紹祥 謝偉銓做發展局局長一樣衰

發表迴響

你的電子郵件位址並不會被公開。 必要欄位標記為 *