何君堯-同性婚姻-min

由 何君堯 睇人禽之辨

何君堯 用禽獸不如,嚟形容支持生前同性伴侶領取骨灰權利嘅議員,可以見到, 何君堯 對中國儒家學說人禽之辨有啲了解。孟子用人禽之辨,去形容野蠻同文明嘅分別,文明嘅就係人,而不文明嘅就係禽,可以講係世界最早嘅文化沙文主義。

何君堯 既知人禽之辨又噏啲咁嘅嘢?

喺孟子嘅年代,人禽之辨,當然係用嚟區別儒家同非儒家嘅支持者,儒家一向認為自己最有禮,最文明。當然,今日最文明嘅,一定唔係儒家,甚至儒家原教旨化之後,變咗魯迅講嘅食人禮教,雖然共產黨推倒中華文化嘅方式十分之恐怖,難以贊同,但食人禮教呢個問題,確反映儒家唔再係文明嘅象徵。如果今時今日,要講人禽之辨,又應該點講,我睇呢方面, 何君堯 未必好清楚,佢係法律專家,但唔係文明專家。

今天講人禽之辨,同台灣嘅法律學者一比就知,台灣大法官會議,明確指出同性戀無結婚權利係一種歧視,有違憲法對婚姻權利嘅保障,中華民國係唔係亞洲第一個共和國,呢個有待商榷,因為有蘭芳共和國在前。只不過,現名仍然係中華民國嘅台灣,係亞洲第一個明確進行同性婚姻平權嘅國家,呢個庶近肯定,台灣呢個判決,受到西方國家嘅重視,因為依家西方國家,亦只有歐盟西部諸國係做到文明看待同性婚姻,美國人喺歐洲人眼中係一堆野蠻人,除咗行為粗野之外,美國嘅基督教原教旨主義造成嘅粗暴觀念,亦都係問題。你睇台灣護家盟,示完威通地紙碎,陳星強姦林奕含,令林奕含自殺,護家盟呢班仆街,有衝出嚟聲討過陳星咩?一個都無,陳星仍然過得好好。

所以 何君堯 用禽獸不如嚟形容佢啲對家,可見得呢個人,知人禽之辨,知其一而不知其二,道德同文明標準會隨時代推演而改變,就算唔認同同性婚姻,俾同性伴侶可以攞番另一半嘅骨灰,亦屬合符儒家嘅惻隱之心,一個奉行仁政王道嘅人,都應該支持。可惜就係,因為 何君堯 對中華文化知其而不知其二,結果依家話禽獸不如,究竟不如禽獸不如。我唔係支持儒家嘅人,我對儒家甚至有啲反感,只不過, 何君堯 攞起嘅石頭,又打咗落邊個隻腳度,大家都唔難明白。

One thought on “由 何君堯 睇人禽之辨

  1. 儒家既惻隱之心係conditional既,主旨係推已及人,以儒生自我喜好黎決定人地果個抵唔抵惻隱,而唔係由對方出發

    「俾同性伴侶可以攞番另一半嘅骨灰,亦屬合符儒家嘅惻隱之心」,只係用儒家野夾硬解釋,而唔記得左儒家背後既思考模式正係導致佢地恐同

發表迴響

你的電子郵件位址並不會被公開。 必要欄位標記為 *