梁振英-blog-1-min

梁振英 陣腳越嚟越亂

周浩鼎份文件自爆, 梁振英 嘅陣腳越嚟越亂,一方面, 梁振英 依家無法回應張達明教授、劉進圖同小弟嘅質疑,簡直去到當呢班友隱形嘅地步。另一方面, 梁振英 對付梁繼昌嘅文字,越嚟越亂七八糟,甚至果啲blog文,已經去到不知所云嘅地步。

梁振英 已經陣腳大亂

梁振英 嘅文字有幾亂,睇以下 梁振英 嘅文字就明

梁繼昌一邊申報,一邊說沒有金錢利益。誹謗案件沒有金錢利益嗎?即使沒有金錢利益,梁繼昌就適合出任調查委員嗎?一個舉報人沒有金錢利益,就可以出任該案件的陪審員嗎?

成件事,對於律師信魔人嚟講,我真係笑咗

  1. 誹謗案件可以唔涉及金錢利益,有啲誹謗案件,係唔要賠償,亦唔要訟費,純粹要一項禁制令,如果純粹只有一項禁制令,係唔會有任何金錢利益可言。
  2. 如果無金錢利益,梁繼昌都仍然適合擔任委員,因為法院未對梁振英嘅指控作出任何禁制令,當無任何針對梁繼昌嘅禁制令果陣,梁繼昌繼續做委員又有乜問題,成句嘢匪夷所思,真係完全係9up無極限。
  3. 一個舉報人沒有金錢利益,就可以出任該案件的陪審員嗎。呢句係乜中文嚟,又舉報人,又陪審員,你噏乜春?所以,連記者報導 梁振英 嘅blog,都好有果陣無從入手嘅感覺,因為你好難喺呢堆漢字嘅拼湊物之中,得到任何有意思嘅嘢。

所以,由對 梁振英 呢段文字嘅分析,只有一個周星馳無厘頭片出現嘅症狀,可以形容依家 梁振英 嘅心理狀態,就係無定向喪心病狂間歇性全身機能失調症。如果想簡單啲講,就係呢條友黐撚咗線,都唔知自己做緊乜同噏啲乜出嚟,簡直係不可理喻。

只不過,又可以理解點解 梁振英 可以暴走到呢個程度,因為 梁振英 5月25日上北京,跟住即日返香港,然後5月26日又上北京,27日返香港,就算要賺mileage,都唔可能飛到呢個挑戰空姐嘅水平,空姐都話會抖番幾日咁,依家 梁振英 咁飛法,真係坐頭等都未必頂得住,仲要飛機上無嘢做,跟住諗起梁繼昌條友有心理唔平衡,隨時佢會大鬧飛機都唔出奇。為免影響因航嘅服務質素,我鼓勵 梁振英 愛國坐AIR CHINA,雖然我唔擔保,會唔會 梁振英 一上機就已經有人雙規佢,然後唔駛返嚟。

發表迴響

你的電子郵件位址並不會被公開。 必要欄位標記為 *