香港信貸評級-min

香港信貸評級 下降嘅啟示

喺穆迪將中國信貸評級下調後, 香港信貸評級 喺同一晚都下調,雖然 香港信貸評級 仍然高過中國,係Aa2,但呢次評級有幾件事,大家仍然有必要關注,特別果啲開口埋口係錢嘅藍屍,你班友嘅短視決定同作為,絕對可以累死香港有餘。

香港信貸評級 下降:咪同中國行得咁近

首先,呢次 香港信貸評級 下降,同香港自身經濟因素無關,但香港喺經濟上同中國咁近,特別係咁借錢俾中國,一旦中國有乜冬瓜豆腐,香港一定大大劑,衰過歐豬國家。所以香港啲銀行如果係負責任,應該依家諗辦法將中國有關嘅貸款賣鬼佢,將啲貸款沽咗,無錯可能賺少咗,但一旦有乜事,就唔關香港銀行事。香港銀行應該集中喺一啲更加穩陣嘅貸款度,而唔係依家中國班友借咗一大筆錢,除咗攞嚟揮霍,就唔知做乜。

呢一方面,穆迪嘅評級報告果度,有提及2047年制度嘅問題,如果2047年俾梁振英呢啲自私自利嘅撚樣搞到一國一制,最終要承擔後果,係香港啲年青人,呢班吸乾香港就關人X事嘅藍屍,如果唔停止佢地嘅自私行為,係唔係要搞到香港提倡楢山節,大家應該知道有套叫《楢山節考》嘅電影喎。

基本上,香港係要同中國保持距離,雖然好多人都會質疑果啲信貸評級機構,特別喺金融海嘯果陣嘅表現,但依家兩大信貸評級機構嘅評定,都係有一定嘅ground,所以香港自決呢個課題,其實應該得到好多香港商界嘅支持,一國一制係死路一條,如果中國唔尊重一國兩制嘅情況下,點樣走自己嘅路,避免捲入中國呢個經濟深淵之中,呢個係必須思考嘅課題,所以我主張歸英,係有原因。

順便提醒果啲借錢炒樓嘅撚樣(無錯,呢班友係撚樣嚟),同埋供緊樓嘅中產朋友,由於香港主權評級下降,所以香港啲銀行嘅評級都會係第二朝早跟住調落去,而評級一跌,借錢就無咁平,所以呢,香港樓市嘅上升動力,只會剩番中國嚟香港走資嘅錢,因為最cheap嘅錢都已經貴晒,如果中國繼續惡化,息口會越嚟越貴,屆時你自己搞唔搞得掂相關嘅財務問題,就係閣下自理,咪話我無提醒各位在先,記得睇路。

發表迴響

你的電子郵件位址並不會被公開。 必要欄位標記為 *