中國信貸評級-穆迪-min

中國信貸評級 下降:支爆再近啲

穆迪今日無預警將 中國信貸評級 下降,由Aa3降級到A1,呢次主權評級下降,可以講係支爆再近一步,至少唔少國企好可能被call loan,或者要俾高一啲息,而中國企業借錢難度,亦變相高咗唔少,仲話中國好有前途果啲,我唔知果啲人有乜理據。

中國信貸評級 全面下降遲早問題

之前,中國喺惠譽嘅評級已經跌到A1,但一般做loan,評級都唔會只睇一間,通常三間睇晒,喺穆迪同標普未降級果陣,一間惠譽降級無大礙,但依家連穆迪都跌評級,咁樣搞法,就算標普維持評級都好,有部分債同公司可能已經要跟低一個評級俾利息,或者還款,唔少公司真係會陣腳大亂。而且穆迪降評級,標普一般都會喺不久將來跟機,即係全中國評級跌晒只不過係遲早問題。

點解我話支爆再近啲,一方面,中國公司借錢難咗,因為公司嘅信貸評級,係唔可能高過主權評級,基於呢個邏輯,唔少國企喺借錢難度,以至要俾利息都會多咗。另一方面,中國有唔少企業其實本身都喺懸崖邊緣,只不過,主權評級未跌嘅情況下,佢地嘅債券評級喺邊緣位置,仲可以債冚債,或者仲可以維持個loan,依家突然間跌主權評級,債券立即變垃圾級,幾多公司搞唔掂,呢樣嘢我真係留名食花生。可以係俾唔掂息而default,跟住要call loan,或者因為本身評級就已經跌落垃圾級,市場上係咁沽你啲bond或票據,最後搞到default,又得。

當然,香港嘅信貸評級會唔會受影響,本身都難講,因為依家咁玩法,有可能影響部分炒樓友仔嘅資金來源,如果突然市場多咗銀主盤要沽出嚟,或者突然有一批單位要急放,大家應該知道有乜事發生,都應該好快會發生。中國經濟咁搞唔掂法,中國一定諗更多仆街嘢吸乾香港外匯儲備,特別梁振英仍然實質掌權嘅時候,所以依家最好係,收入大部分都係外匯計,如果你去日本、美國旅行,有現鈔換咗就唔好換番港幣嘞,隨時有用。支爆一旦爆起嚟,你鬼知有幾快,你都估唔到今日穆迪無預警出招,將中國信貸評級降到A1,話仲係投資級別啫,但已經夠大家開始用CDS賭中國破產。

發表迴響

你的電子郵件位址並不會被公開。 必要欄位標記為 *