紅色暴雨警告-min

紅色暴雨警告 應否放假?

今朝香港落足成日雨,早上大部分時間都係得 紅色暴雨警告 ,去到早上11點35分,至發出黑色暴雨警告,但好多人已經返咗office,正常嚟講, 紅色暴雨警告 係局部停課,只不過, 紅色暴雨警告 之下,啲人都係唔可以好似黑色暴雨警告咁放假。其實 紅色暴雨警告 應唔應該好似黑色暴雨警告或者八號風球咁樣可以放假?

紅色暴雨警告 好尷尬

紅色暴雨警告 其實好尷尬,因為你話天氣係唔係惡劣到要全香港停止經濟活動,咁又唔可以咁講,同八號風球隨時冚招牌,或者黑色暴雨之下,隨時成條街浸晒水好唔同。只不過,如果有啲公司有遲到扣人工,或扣勤工獎機制果啲,勞工法例應該訂明, 紅色暴雨警告 一發出就唔可以扣人工或勤工獎,因為暴雨造成嘅交通擠塞變成咗不可抗力。香港有啲老闆,係典型華人作風,好鍾意搵藉口扣人人工,政府應該喺呢方面做嘢。呢個係clarify番,不可抗力唔可以作為扣人工嘅理由。

雖然 紅色暴雨警告 下,唔適合全港停工,只不過,有部分經常會有水浸危機嘅地方,果啲人應該政府要求佢地唔好返工,或者直頭政府俾指引,可以要求有薪假期,八號風球,黑色暴雨警告下唔返工,因為天氣惡劣,保險唔應該保,而一旦佢地返工果陣有乜事,亦無理由因呢啲商家,搞到政府要出動緊急服務救人。颱風或暴雨唔返工,對政府嘅考慮就係,呢啲天氣一定要用到緊急服務,咁如果少啲人返工或出去,就少啲緊急服務嘅demand,而嚴重水浸或者山泥傾瀉高危區嘅人,政府要求佢地唔返工或俾佢地有尚方寶劍唔返工亦好合理。

當然, 紅色暴雨警告 亦提醒大家,香港係會落暴雨嘅地方,落得暴雨,山坡嘅地表徑流會引發山泥傾瀉,郊野公園啲樹木可以抓實泥土,減少山泥傾瀉,1972年6月18日嘅雨災,喺半山同觀塘嘅災情搞到一百五十幾人死亡,亦變相令政府下定決心實行本來已經諗得好清楚嘅郊野公園政策,1976年就有郊野公園條例。依家梁振英竟然想喺郊野公園打主意,呢條仆街嘅心腸係點,其實都唔難睇得清楚嘅,係為香港好就唔會想郁郊野公園。

發表迴響

你的電子郵件位址並不會被公開。 必要欄位標記為 *