梁繼昌-五毛-min

五毛咪用過期黑材料抹黑 梁繼昌

梁繼昌 似乎對梁振英構成極大嘅威脅,而且越嚟越絕望,所以啲五毛已經用埋啲過期黑材料嚟對付 梁繼昌 。周澄同 梁繼昌 嘅緋聞,再度被人攞出嚟。只不過,梁振英請啲五毛,一貫嘅做嘢粗疏,完全唔知呢啲過期黑材料,用嚟想人格謀殺 梁繼昌 ,只會更乞公眾憎。

人格謀殺 梁繼昌 只會令大家更鄙視梁振英

  1. 周澄已經唔再係 梁繼昌 議員辦事處嘅職員,之後轉咗過去端傳媒,依家應該係自由身
  2. 周澄已經嫁咗人,佢老公都係端傳媒走出嚟,係攝影師嚟,所以我可以講係過期黑材料
  3. 梁繼昌 同周澄嘅關係,根本係無證據可以證明。
  4. 更重要一點係, 梁繼昌 嘅私生活,關梁振英UGL案撚事?梁振英呢單案,唔係干犯《防止賄賂條例》,就係公職人員行為失當,甚至係商業案件嚟,唔通警察包二奶,你可以話警察無權查案呀,呢啲邏輯真係黐撚線。

所以幫港出聲呢個page呢個行為,除咗幫梁振英轉移視線外,亦係想誤導公眾,令公眾認為 梁繼昌 嘅私德,係調查呢件事嘅不適任人選。 梁繼昌 嘅私德,基本上同呢單嘢無關,如果講刑事罪案調查者一定要私德完整無缺,我恐怕唔少差人都炒得,你同我講,邊個差人無叫過雞,或者無包二奶,我恐怕警隊有三分一成員要被炒,至少,同埋大把案件要drop case,啲罪犯一定好多謝你呢班梁振英走狗嘅偉大邏輯。

如果啲五毛再玩呢啲黑材料,我建議不如由張達明教授、劉進圖等人領軍去調查算,雖然佢地唔似 梁繼昌 咁係英港兩地會計師兼律師,但以張達明同劉進圖對梁振英嘅質問,再加一個林卓廷,應該梁振英一樣死得好快,大家睇到張達明教授嘅盤問招招攞命,簡直係做檢控官嘅最佳教材,如果差佬落口供問人果陣,可以有張達明果隻精準,我相信好多刑事案件嘅被告,根本唔會因疑點利益歸於被告走得甩。差佬做嘢粗疏搞到放犯,呢個係法律界好多人都知嘅事。

對於周融,都係果句,唔該佢出示有 home office confirmation 嘅 form RN,證明佢已經退出所有英國國籍,做一個堂堂正正嘅中國人。身為英國人做呢啲仆街嘢,我只能講,呢啲撚樣都係正仆街嚟。

One thought on “五毛咪用過期黑材料抹黑 梁繼昌

發表迴響

你的電子郵件位址並不會被公開。 必要欄位標記為 *