Salman Abedi-min

曼徹斯特 恐襲元凶 Salman Abedi 話俾大家乜事?

曼徹斯特演唱會恐襲,警方捉到疑凶,係利比亞難民第二代 Salman Abedi ,英國警方喺佢住所搵到大量炸彈,並且進行咗定向引爆。問題係,點解 Salman Abedi 呢啲難民第二代,往往成為咗DAESH呢班人渣嘅吸收對象。

Salman Abedi 嘅行為唔難理解

某程度上,呢啲回教極端分子嘅行為,南洋人多少了解,因為移民嘅第二代,其實好容易中計。一如好多上世紀五、六十年代中咗毛澤東伏嘅華人,都唔係果啲第一代賣豬仔果啲人,而係喺當地長大嘅第二、三代。因為佢地往往因自己嘅移民身份,受到種族歧視,跟住果啲極端分子就描繪一個「理想嘅祖國」、「理想嘅天堂」,然後一個頭盅埋去接受果啲極端思想,跟住就變咗變態佬嘅打手,或者自己變埋變態佬。上世紀,就大批新加坡、馬來西亞同印尼嘅華人中伏,呢個世代,就成堆喺歐洲住嘅回教難民第二代中伏。

當然,要防止類似 Salman Abedi 出現,係一個重要課題,特別果啲祖國幻想係好得人驚。如果喺歐洲嚟講,防止喺學校出現種族歧視就係重要課題,點解英國經常出現呢啲狂徒,除咗英國因殖民帝國緣故,本身收咗成堆回教徒之外,英國過往嘅種族同階級歧視,都往往係恐怖分子溫床,果種社會文化可以好得人驚。可能要由細就要教曉佢地係歐洲人,唔係中東人,同埋要同呢班友講清楚,點解當初佢地嘅父母嚟到歐洲。同樣係南洋華人,點解我好清楚必須同共產黨或中國一刀兩斷,但有啲南洋華人子弟好可能係左膠左到傻,因為我好清楚自己嘅歷史淵源,英國係救咗我一命,但左膠,對自己身世一無所知,或有認知錯誤,所以就會認賊作父。新加坡喺八十年代,故意搵咗梁立人編咗套電視劇《霧鎖南洋》,就係講明自己嘅歷史,斬斷所謂「華人認同」。好明顯,西方國家喺呢方面係經驗不足,可能最經驗老到果個,係本身有一定英國人人類學修為嘅新加坡。

回教又係另一個禍患根源,大家睇印尼鍾萬學嘅遭遇就明,如果我係西方國家,應該下定決心,鏟除沙地阿拉伯嘅神權皇室,沙地阿拉伯周圍輸出狹隘回教信仰,無呢班仆街皇室成員點會有DAESH。當然,呢啲嘢西方國家嘅人唔敢講。新加坡會用宗教和諧法,隨時拉咗啲麻煩回教教士,其實係有一定道理,有啲宗教分子,就係唔明呢個世界必須政教分離嘅道理。

發表迴響

你的電子郵件位址並不會被公開。 必要欄位標記為 *