梁振英-DTZ-min

應該由乜嘢人乜嘢組織調查 梁振英 ?

周浩鼎搞到 梁振英 一身蟻,呢個都係阿媽係女人嘅共識。但如果 梁振英 覺得自己真係咁受委屈,係唔係應該尋求一個公道嘅司法調查,而唔係諗住用誹謗同土共喺議會上嘅優勢,阻住大家尋求真相。事到如今,應該由乜嘢人,乜嘢組織去查梁振英?

梁振英 必須接受獨立調查

依家泛民廿八位議員已經提出彈劾動議,如果 梁振英 真心尋求公正調查,係應該俾彈劾動議程序啟動,根據《基本法》,個game係咁玩

如立法會全體議員的四分之一聯合動議,指控行政長官有嚴重違法或瀆職行為而不辭職,經立法會通過進行調查,立法會可委托終審法院首席法官負責組成獨立的調查委員會,並擔任主席。調查委員會負責進行調查,並向立法會提出報告。如該調查委員會認為有足夠證據構成上述指控,立法會以全體議員三分之二多數通過,可提出彈劾案,報請中央人民政府決定

如果 梁振英 覺得自己咁無辜,又唔想經立法會議員去查,咁由立法會委托終審法院首席法官組成嘅委員會,咁應該好合情合理,大家心服口服?我唔明點解土共唔肯支持彈劾啟動,因為終審法院首席法官係大家公認可靠,而程序亦會嚴謹有序, 梁振英 亦都可以喺成個程序裡面,有大律師同律師在場陪同,回答調查委員會嘅問題。只不過, 梁振英 自己心有屎,當然唔會俾呢個方案實行。甚至我可以咁講, 梁振英 以為自己可以隻手遮天,所以要阻止任何類似調查委員會嘅嘢出現去查佢,否則點可能會出現周浩鼎事件,所以公眾一定要諗,香港制度以外,可行可以查到 梁振英 嘅方法。

如果中國政府無法迫 梁振英 接受香港嘅調查嘅話,呢個就敬酒唔飲,就去飲罰酒,香港人應該考慮喺海外報案,要求海外執法機構介入,至少有以下幾個地方,都可以迫到 梁振英 要面對司法調查,至少可能性係唔細:

  1. 英國:聯埋 DTZ Holdings plc嘅股東,要求英國刑事調查 梁振英 案。呢個係 DTZ Holdings plc嘅股東,或任何英國國民(包括BC同BNO)都可以做
  2. 澳洲:要求澳洲執法部門調查,UGL同 梁振英 簽署嘅任何合約,係唔係合法。呢個澳洲公民可以做。
  3. 日本:要查咗DTZ日本冊先。

面對 梁振英 ,係一定要打到天腳底。

發表迴響

你的電子郵件位址並不會被公開。 必要欄位標記為 *