蓮姐-min

迫害 蓮姐 係秋後算賬薯粉嘅一部分

今日有單好奇怪嘅檢控案,就係大帽山 蓮姐 被人投訴無食物牌。其實好奇怪,大帽山 蓮姐 根本無競爭對手,而且大帽山好多行山人士,都靠 蓮姐 嘅幫忙,咁邊條友咁得閒去向食環署舉報,而食環署咁懶,又走去做嘢嘅呢?史兄一張圖,解答咗所有問題。

迫害 蓮姐 ,清算薯粉

蓮姐-min
蓮姐-min

蓮姐 之所以被迫害,唔係有人食痾,唔係因為果啲有大商家入嚟玩,而係因為 蓮姐 係薯粉,相信呢件事同香港政研會以及周融呢班友有關,因為得呢班友至會玩呢啲小動作,當然亦唔排除係中聯辦,我可以咁講,今年選舉曾俊華唔贏,做薯粉係要有同政府抵抗到底嘅覺悟,因為梁振英係丁蟹,丁蟹有無放過方進新,佢方家一家大細,無囉。同丁蟹玩,得一個方法,就係玩到底,有咁盡玩咁盡,因為唔係班梁粉死,就係你死,林鄭月娥未必想咁做,但實際係奶粉嘅一班梁粉,佢地嘅思考邏輯,就係要將對手徹底鬥垮鬥臭,而你要喺呢個毛澤東式變態邏輯下生存,你都必須將對手鬥垮鬥臭。一如李登輝,你估佢好鍾意玩國民黨果套政治遊戲,但佢為咗實現佢嘅台獨理想,結果佢做咗德川家康做嘅事,成為台灣版嘅德川家康,大家明未?

當然,會被香港政研會同周融玩嘅薯粉, 蓮姐 唔會係最後一個,甚至唔係第一個,只不過佢係最弱勢,所以中招最快,班友未夠薑郁到田大少呢個級數。只不過,要鏟除呢啲人渣,都係要趁早,例如香港政研會嘅活動,如果涉及搵中國人嚟示威,一定要舉報,如果噪音太大,都要舉報,有任何呢啲人渣嘅鐵竇資料,要好好收集,適當時候公布(報料俾我都得嘅),你要一路保持玩到佢地好唔得閒,以攻為守,睇吓呢個政府可以選擇性執法幾佢,當你攻佢,佢就未必有時間攻你,呢種日子好可能要維持一段時間,直至中國瓦解為止。但你要咁做,因為梁粉喺濫用權力呢方面,佢地不單十分之enjoy,而且亦十分之在行,相信呢個世界,無乜人比佢地更在行於濫用權力。

蓮姐 只不過代表著,薯粉必須戰鬥,唔能夠以為只係移咗民就算,因為唔係個個薯粉都可以選擇移民嘅,梁振英根本未倒下,呢個就係政治現實。

發表迴響

你的電子郵件位址並不會被公開。 必要欄位標記為 *