Uber-min-2

又拉 Uber 要回報譚惠珠大力支持

Uber 今日又被人拉,有廿一位司機被警方拉。跟住依家GoGoVan又被人拉,依家唔知有幾多人被人拉。由 Uber 到Hidden Agenda被人高調拉,大家可以睇到依家香港警隊已經唔係執法隊伍,而係用嚟俾梁振英,甚至林鄭月娥找數嘅機會。

Uber 變咗梁振英、林鄭月娥用嚟找數嘅提款機

其實依家 Uber 造成社會乜嘢問題, Uber 提供良好嘅服務,而且保險問題已經妥善解決,反之,的士經常拒載,我試過喺蘭桂坊同拒載嘅的士司機開拖,我向警方舉報,警方竟然話,因為我唔係受害者,所以唔係有ground去舉報,警方交通部,依家係為邊個服務。 Uber 只不過危害譚惠珠呢條友手上幾百個的士牌價錢,依家香港警隊喺梁振英、林鄭月娥老友嘅私人部隊,定係為咗香港公眾服務嘅執法部門。依家又拉 Uber ,好明顯梁振英同林鄭月娥,要多謝譚惠珠嘅大力支持,所以至高調拉人,同狂拉HiddenAgenda果件事係一模一樣,公器私用同中國嘅程度越嚟越似。

依家如果政府要高調冚 Uber 同 HiddenAgenda 嘅話,香港人唯有可以做係超合作運作,首先,崇光門口果啲的士,我鼓勵大家用1823舉報,我想知道政府要對付崇光百貨門口果啲阻止巴士正常上落嘅的士重要啲,定係唔會喺禁區搞屎搞尿嘅Uber重要啲。

如果政府仲係咁唔公正執法,就不如搞超合作運作,以下係超合作對象嘅重要打擊對象

  1. 的士
  2. 潮聯紅色小巴
  3. 旺角演出嘅大媽
  4. 中環、灣仔賣唱嘅「傷殘」演唱人士
  5. 七月一日嚟支持政府遊行果班雙程證人士

大家報案果陣,最緊要係RN Number,因為有RN Number就無得hea你,如果用1823,就用1823 app,因為1823 app一交咗上去,系統就自動有個reference number,如果政府唔作出任何回應,可以用系統俾你果個reference number追,甚至可以用嚟向申訴專員公署,以及警察投訴科嘅理據,如果咁都唔理,全部上網囉,等大家知道點解,個個都叫呢啲差佬叫黑警。

發表迴響

你的電子郵件位址並不會被公開。 必要欄位標記為 *