柯潔-AlphaGo-min

柯潔 AlphaGo 決戰隨時搞到浙江省政府孭大鑊

號稱全球圍棋第一嘅柯潔走去挑 AlphaGo 機,呢個唔奇,畢竟依家 AlphaGo 依舊係無敵,只不過,最初中央電視台竟然敢直播,而場賽事喺中國浙江省舉行,由浙江省體育局主辦,成件事已經好奇怪。乜中國唔係最憎Google嘅咩?柯潔要挑機,都挑百度嘅AI引擎喇(如果有嘅話),保證贏。

AlphaGo 引發Google重返中國聯想

果然,柯潔挑戰 AlphaGo 真係會出事,如果中國可以乘機偷到 AlphaGo 嘅技術,或者柯潔可以擊敗 AlphaGo,令Google丟架嘅話,或者共產黨仲有啲著數,依家係第一局已經輸咗,仲要俾中國民眾知道呢個世界仲有Google,激起成班友嘅翻牆意欲,你呢鋪中國政府仲唔跳海都唔敢,又偷唔到技術,搞得唔好,仲乘機俾Google攞到唔少網絡防火長城嘅參數添,咁仲得了,所以中國人立即取消場圍棋賽嘅全國直播,要睇棋賽要翻牆去YouTube睇,成件事膠到無朋友,典型中共做咗膠嘢又要脫逃嘅作風。

我相信喺中國政府全力保護百度、騰訊、阿里巴巴呢啲垃圾企業嘅情況下,係唔會俾真係有強大技術嘅Google返嚟,特別Google喺可見將來,都唔會喺搜尋結果審查問題上同中國政府有任何妥協,Google創辦人唔係Facebook果個,Google創辦人係受過蘇共統治嘅苦頭,知道蘇聯果套係有幾仆街,點可能會俾Google作為迫害中國人嘅幫凶。Google好多嘢都可以好evil,但喺言論自由同私隱問題上面,Google都係一間信得過嘅公司嚟。

柯潔依家決戰 AlphaGo 搞到咁膠,我相信柯潔本人唔會有事,畢竟佢個圍棋世界第一都係值錢,圍棋要攞到世界第一,都唔係做馬做番嚟嘅,多少要有真實力。但搞呢次比賽嘅浙江省體育局,應該會有一大批官員十九大之後孭鑊,技術偷唔到,又提醒民眾世界原來有Google,唔係只得百度,又要搞到共產黨無晒面,呢啲官員好彩唔係生喺北韓,如果喺北韓,佢地都睇嚟唔炮決都犬決,某程度上,西泡菜係文明過北泡菜少少嘅。

發表迴響

你的電子郵件位址並不會被公開。 必要欄位標記為 *