張達明-梁振英

梁振英必須回應 張達明 嘅問題

梁振英指揮周浩鼎喺立法會調查委員會果度亂咁舞,令大家本來唔想留意UGL案,都變得好留意。而梁振英追殺梁繼昌嘅作為,反而引嚟更多人去追殺梁振英。如果唔係梁振英欺人太甚到呢個地步,我都唔會要進一步追查DTZ Japan發生緊乜事。而港大法律學者 張達明 列出嘅一系列提問,梁振英更加有必要答,甚至可以作為立法會調查委員會,以至好似我呢啲起底之人調查嘅基本藍本。

張達明 九條問題刀刀攞命

張達明 嘅九條問題,刀刀攞命,但我可以用香港語文,將呢九條問題再進一步簡化,包括:

  1. 點解UGL同梁振英簽離職協議,係當時UGL係梁振英老闆,定係DTZ?點解唔係DTZ同梁振英定離職協議
  2. UGL俾果筆錢,係唔係換嚟梁振英支持UGL收購DTZ業務、唔對UGL嘅行動作出批評同埋2012-2013年,喺無利益衝突情況下幫UGL推廣UGL同DTZ
  3. 點解UGL話俾果筆錢,唔駛交稅,提供服務喎
  4. 究竟呢份協議係離職協議,定支持UGL收購協議
  5. 梁振英當時知唔知UGL之外,有另一間公司都想收購DTZ,而且價錢更好?
  6. 如果呢份協議係支持收購協議,咁有無通知過RBS同清盤人,係唔係有違反誠信責任之嫌?
  7. 梁振英做緊特首期間,點樣做到協議嘅要求,無利益衝突情況下幫UGL推廣UGL同DTZ?
  8. 果筆錢幾時收?係唔係做緊特首果陣收
  9. 點解梁生唔肯將件事交俾一個獨立調查委員會調查?

九條問題,刀刀攞命,全部都係法庭檢察官用嚟establish個fact嘅問題,除咗第九條,點解梁振英認為立法會求其有堆人企喺度就成立嘅委員會調查唔公正,點解佢自己唔委任由退休法官俾獨立委員會去查,呢件事嘅答案,十分之耐人尋味,我諗上述九條,梁振英其實都答唔出,因為點答都死人冚樓。所以, 張達明 嘅問題,我依家食緊花生,要睇梁振英點接招,定係梁振英條友,直頭delete post算,定係馮煒光條仆街派堆五毛去搗亂。

但可以肯定,UGL同DTZ嘅問題,仲有一大堆,唔只呢八條,呢度都未計DTZ Japan果單神秘交易,究竟發生緊乜嘢事。

發表迴響

你的電子郵件位址並不會被公開。 必要欄位標記為 *