京都-ふじと-1-min

京都 亂入食評:ふじと

我好少喺平日working days寫食評,更何況依家香港政治風頭火勢嘅時間。不過,有人喺facebook問,京都有乜美食,而我又樂意介紹啲小店,好過啲乜叉舊假期,亂咁老點啲嘢,唔係搞到當地交通擠塞,就係抹黑人地間嘢。

京都 豬扒老店 ふじと

東福寺係 京都 景點之一,但大家都知 京都 保育做得好嘅副作用,就係景點往往唔會有太多食店,有係小店老店,但小店老店,至搵到啲好食嘅嘢。好似呢間 ふじと ,其實睇落唔起眼,如果唔係認真睇地圖,你都應該好大機會miss咗呢間餐館

京都-ふじと-2-min-2
京都-ふじと-2-min-2

如果你去開中環、上環啲茶記,除咗少數真係好老店(例如長期排滿人嘅海安㗎啡室),否則你好難預期用好嘅用料,兼且係抵食。只不過,呢間 ふじと ,大概嘅budget喺1000jpy – 2000jpy,但用係霧島嘅好豚肉,係,如果喺香港,IFC果啲,坐底打劫你廿三百蚊港紙果啲貨色,喺 京都 用1000jpy – 1500jpy就食到,依家明白食家一般會聲討地產霸權嘅原因未?因為食家係預期自己俾嘅錢喺食材同個廚度,唔係用嚟養啲地產商,同啲無X用嘅保安人員。而且午餐,可以平到700jpy,你明點解我會喺回應facebook上朋友果陣,特別寫呢篇。

好啦,扯開話題,呢間未必係上等美味,但窮遊 京都 嘅話,呢間唔會令人你失望

京都-ふじと-1-min
京都-ふじと-1-min

呢間嘢簡單嚟講,炸蝦同炸豬扒,都可以做到外裡鬆化,而內裡多汁,係,多汁過香港果啲喺IFC搶你幾舊水果啲所謂,而且脆過晒香港果啲所謂名店。當你喺 京都 呢間食完,你就知點解咁多日一放假就去日本,同埋點解聽到劉鳴煒講,話叫人少去幾次旅行慳錢買樓係咁引發公憤,慳錢俾你班地產商呃咩,要追求生活質素都唔益你班友喇,係唔係?

地址: 京都府 京都市東山区 福稲御所ノ内町 2-14 (JR奈良線/京阪 東福寺駅)

如果要預約:075-541-7592

只收現金,唔收信用卡。營業時間 11:30~20:00 (UTC +9),星期日照開,但星期六係休息,如果你去東福寺嘅行程遇上星期六,你都係忘記呢間嘢吧喇。

發表迴響

你的電子郵件位址並不會被公開。 必要欄位標記為 *