一地兩檢-min-2

一地兩檢 等於香港人隨時被人捉上洗頭艇

據某份攞北京料好準嘅報紙講, 一地兩檢 以最賣港嘅方案解決,簡單嚟講,係新馬分家後果個馬鐵新加坡段安排,月台、中方口岸區、管道等,全部係中國領土一部分,如果唔係梁振英呢件賊係咁做阿煩膠,我應該今朝早講明呢件事。因為呢件事,可以講係香港人未來人身安全最大威脅,除非高鐵通車之後,已經支爆,或由地質問題,管道崩塌。

一地兩檢 安排有幾賣港

究竟成個安排有幾賣港,因為成個高鐵,除咗西九龍總站,菜園村車廠,仲有大江埔緊急救援通道,以及米埔、牛潭尾、八鄉、城門、葵涌、南昌同埋旺角西呢啲通風口,如果管道主權屬中國,即係菜園村車廠、大江埔通道,同埋通風口都係中國嘅一部分,以中國國安呢啲鍾意玩洗頭艇嘅性格,只要捉到你高鐵通風口,由於通風口唔係港鐵公司管理,你已經叫天不應,叫地不聞,甚至老屈你係CIA Informat殺咗你,條屍都唔知去咗邊。依家係中國要香港人自己出錢,自己郁手,挖一個埋葬自己嘅亂葬崗,所作所為,同日本皇軍喺新加坡東海岸嘅作為係一模一樣。所以,如果香港政府真係照呢個方案搞一地兩檢,香港人要諗方法自保,令到高鐵係通唔到車。因為一通車,甚至未通車,只要管道已經交俾中國方面管理,香港人已經講唔上係安全,因為連香港警員都入唔到管道裡面執法,管道行嘅,就係中國所謂嘅法律,黨員最X大,人民無權利嘅法律。

當然你坐高鐵,如果有乜事故,都係你死你事,因為香港救護車應該無權入管道,屆時你等中國醫護人員,嘿嘿嘿!

所以我附和梁愛詩嘅建議,就係炸咗佢,咁玩法呢,連管道都唔要,全部炸晒佢算數,我唔要任何中國解放軍可以經地底進入香港屠殺人民嘅可能性。1989年6月4日班仆街喺北京殺過平民,我相信呢班人渣軍殺香港平民更爽手。當然,梁愛詩嘅方案,中國係唔會實踐,因為中國需要係一個唔受香港法律管制,又可以屠殺香港人民嘅亂葬崗,而高鐵管道,正係呢個用途。我唔知果啲支持高鐵嘅香港人,係唔係認為自己永世都唔會得罪中國官員,或者同中國政府有商業糾紛,因此唔會被人捉上洗頭艇。只不過,好多人都係唔見棺材,唔流眼淚,往往厄運嚟到自己面前至後悔,一早已經太遲。

發表迴響

你的電子郵件位址並不會被公開。 必要欄位標記為 *