梁振英-blog-min

同 梁振英 嘅鬥爭從來都係你死我亡嘅鬥爭

雖然梁繼昌唔妥協,喺泛民支持下堅持留喺UGL案調查委員會,但 梁振英 無放棄,喺下午三點仍然濫用公器,喺政府嘅server出blog,務求要動員佢啲所謂支持者,要鬥倒梁繼昌為止,不惜任何代價,呢個可以反映UGL案,對 梁振英 係幾重要。

一定要將 梁振英 鬥垮鬥臭

首先,由政治倫理嚟講, 梁振英 既然同梁繼昌之間,係佢私人嘅誹謗官司,咁唔應該用任何政府資源,包括政府新聞處嘅新聞稿,馮煒光嘅返工時間,以及政府嘅server,由納稅人角度,你自己同UGL關係唔清唔楚,你應該用你自己私人資源出手,唔好用任何政府資源,單係呢件事,已經可以向政府審計署投訴,並且有必要果陣,要求政府向 梁振英 出番張單,由 梁振英 自己出錢搞掂呢啲開支。

好多政政系啲人都唔明,點解鄒讜喺《二十世紀中國政治》講,中國人搞政治都係winner takes all,全贏全輸,其實理由好簡單,因為太多好似 梁振英 、毛澤東呢啲人,一啲餘地都唔留,你唔將佢地鬥垮鬥臭,佢地就唔會放過你,既然係咁,你要生存,唯一方法係,你比佢仲狼,沒有最狼,只有更狼。所以泛民有呢個覺悟,梁繼昌留喺調查委員會只係最基本一步,香港人要擺脫 梁振英 呢件阿煩膠,仲有好多嘢必需要做,要做到令佢好似曾蔭權咁,因公務人員行為失當而坐監,係唯一嘅目標,亦都係唯一令大家耳根暫時清靜嘅目標。因為呢條友出獄之後,都會千方百計報仇。

所以點解要全方位同 梁振英 打total war,由 梁振英 DTZ案每一個部分嘅可能證據,到任何 梁振英 可能唔見得光嘅嘢,到保護每一個 梁振英 想鏟除嘅人,甚至係敵人嘅敵人都會係朋友,有必要果陣要作出戰術上嘅合作,因為 梁振英 呢啲受毛澤東思想影響嘅變態佬,目的只得一個,要你死。大家睇《大時代》,丁蟹果種心態就明,點解最後方展博係要睇住五蟹逐個仆街,因為五蟹真係仆咗街後,方展博至可以叫做真正安全,唔只係成功替自己老豆報仇雪恨咁簡單。呢個亦都係,大家面對中共果陣應該有嘅態度。 梁振英 就係丁蟹。

發表迴響

你的電子郵件位址並不會被公開。 必要欄位標記為 *