腎石普查?

聽落好膠,但我諗可能非常之有必要。

「當 局 驗 出 雀 巢 牛 奶 公 司 純 牛 奶 含 三 聚 氰 胺
2008-09-21 HKT 20:09」

我聽完之後,不單完全證實我的看法,而且立即想講粗口鬧爆雀巢班契弟(恕我粗魯),佢地班友唔係唔知牛奶公司喺香港佔有率高到乜地步,點解你地可以容忍咁嘅事發生?依家真係人人有份,永不落空。

之後

「衛生署副署長宋晏仁、食品衛生處處長蕭東銘下午共同召開記者會,指金車股份有限公司擔心該公司使用的大陸產製奶精也含三聚氰胺,危及消費者身體健康並影響商譽,日前主動將該公司使用的奶精(植物性蛋白類產品包括玉米粉、豆粉、奶精等)送食品工業研究所檢驗,竟驗出微量三聚氰胺,該公司上午十時左右主動通報衛生署。」

連植物性蛋白產品都有三聚氰胺,有無搞錯呀,咁唔單只飲咖啡伴侶要驗腎,分分鐘有人飲過中國製造嘅植脂產品都已經中了招。

我唔係開玩笑,三聚氰胺事件咁搞法,可能演變成史上最大規模的食物落毒事件,完全黐線,政府應該有個計劃,安排腎石普查。搞到腎石人人有份,乜世界。

====
後話:在9月16日寫嘅乜奶都唔安全,果然俾我唔完講到應晒。我只能講,我呢一刻心情好差。

黃世澤:乜奶都唔安全

12 thoughts on “腎石普查?

  1. 我可以確定所有有測試蛋白質含量的產品都有可能有三聚氰胺.

    不過. 植物性蛋白 即係包埋所有麵粉(筋度). 單單係呢樣就嚇死人.

  2. 雀巢一向係跨國企業中嘅惡棍,做呢啲壞事一啲都唔出奇。而家就睇吓周一鑊忍到幾時先至禁中共毒奶製品進口。

  3. 未知政府更新測試方法無?

    DIONEX CHINA LIMITED 戴安公司提供同时测定三聚氰胺和三聚氰酸的解决方案

    http://www.instrument.com.cn/netshow/SH100244/news.asp?NewsID=10108

    由于宠物食品被三聚氰胺和三聚氰酸污染,当三聚氰胺和三聚氰酸同时存在时会形成一种不溶结晶物,这种物质可能影响到肾脏功能,最近的研究发现很多宠物的的死亡和健康问题是由此引起的,受污染的麦子,稻米和玉米可能被制成人类食物例如面包,意面,婴儿食品等。所以对原材料包括可疑性动物组织中三聚氰胺和三聚氰酸的监测就十分重要。

    现在对三聚氰胺和三聚氰酸的定量方法包括气质(GC-MS)和液质(LC-MS)。GC-MS的缺点是需要进行费时费力衍生化,而报道的LC-MS方法需要很长时间的梯度运行及柱子清洗。

    戴安提供一种灵敏、简单和高通量的LC-MS方法,使用稳定的同位素标记的内标物(ISTD)来定量,可同时测定三聚氰胺和三聚氰酸。。

    使用戴安公司最新开发的混合基质柱WAX-1来分离被分析物。此柱子利用疏水和离子交换混合作用机理来达到特殊的选择性和保留。色谱运行时间仅用8分钟,MSQ质谱检测器确保选择性和灵敏度。对于两种物质(2-200 ng/ml)的线性都能达到R2>0.9995。方法检出限(MDL),三聚氰胺为3.97 ng/ml,三聚氰酸为3.32 ng/ml。

    通过宠物食品提取物以及生物基质:猪肉和鱼肉组织的提取物来验证方法的可靠性。宠物食品用快速、简单和自动的提取方法处理。生物样品来自美国FDA,并按规定方法处理。

  4. 我好有興趣睇下有冇機構驗麥當當的奶類製品。

    年前 rBGH 事件搞到大陸 Starbuck 一身蟻,但事發後一季,就已經冇晒下聞,我就唔信三個月可以處理一切問題奶源了。當時大陸的解釋,是沒有國產 rBGH ,只要管好進口便沒問題。

    家陣三聚氰胺就好唔同,國家產能有幾勁,上次回覆地篤出條數了。直接放奶品過到骨,放入工業用料(即豆品加工、飼料)又有何奇?

    至於話賠喎,賠條毛呀?你話老美會唔會因為次按風波,賠錢俾全世界?根本告都冇路可告。

  5. 睇你信唔信麥當當和大陸。

    維記在廣東生產奶製品,最近廣東當局話本省產品冇事。

    麥當當話用維記奶,但到底是 100% 用,還是99% 用,而一些添加料不是?是奶茶用的淡奶,還是包括各種雪糕、奶昔?

    要是在香港驗出無事,對麥當當和維記也大有好處。

  6. 大陸既三鹿, 伊利, 蒙牛, 到而家既子母同埋雀巢都出左事, 由嬰幼兒奶粉再到混入大陸奶製品既產品都無一倖免, 咁睇怕有呢個必要.

    講到麥記, 聽聞佢既軟雪糕唔係用牛奶, 而係用雞油整, 所以有部分人食完之後冇幾耐會嘔. 如果係真既話, 或者唔駛驗佢既軟雪糕.

  7. 下一步的問題應該是抽查所有麵包類的產品. 不過我諗應該冇人會做. 要迫一迫先得…

發表迴響

你的電子郵件位址並不會被公開。 必要欄位標記為 *