梁繼昌-689-min

梁繼昌 頂住壓力留喺委員會係好事

雖然梁振英同馮煒光發動文革攻勢,意圖用批鬥手段迫 梁繼昌 走,只不過, 梁繼昌 都唔係一般人,最終都頂住壓力留喺調查委員會。正如郭榮鏗講,梁振英有本事就告晒全世界佢。而UGL案係要持續掘落去,而且不限於UGL同梁振英之間果五千萬。

梁繼昌 有幫可以睇到更多嘅文件

由今朝早我對東海花園同DTZ之間嘅關係都可以睇到,梁振英充分運用佢自己創辦嘅戴德梁行,做好多政治上嘅仆街嘢,所以由DTZ帝國倒下至今連串嘅事,都可能掘到梁振英唔少醜聞,呢個係梁振英點解特別驚 梁繼昌 嘅原因,而幫港出聲用廉署低級職員形容做過廉署助理調查主任嘅林卓廷,我相信梁振英下一個目標,其實就係土共都想鏟除佢嘅林卓廷。所以,依家公眾要做,係合力發掘成個DTZ嘅帝國,天津市分公司係一個黑洞,而DTZ Japan過去幾年發生過乜事,又係一個黑洞一定要查落去,跟住果堆英屬處女島公司,就係更難查嘅黑洞,因為無立法會權力及特權法嘅加持,梁振英唔會自己交出啲文件出嚟,就要靠各人合力,好似砌圖咁將佢個犯罪帝國一塊一塊咁還原番出嚟。

依家有樣行動,大家有facebook就可以做,就係要對馮煒光嘅facebook戶口、HKGPao同幫港出聲採取強硬行動,針對馮煒光https://www.facebook.com/fung.w.kwong嘅舉報,係呢條友分享唔適當嘅貼文,再選其他,而HKGpao同幫港出聲嘅link,一律舉報fake news,我相信班土共五毛日日都咁樣針對泛民嘅人,都係果句,你做初一,我做十五,以牙還牙,以眼還眼。

而舉報fake news點解有用,因為依家facebook有打擊fake news政策,hkgpao同幫港出聲俾人舉報得fake news多,facebook主機會減少出news feed,呢招我相信土共已經用緊嚟打擊蘋果日報同呢度,我個人相信,熱狗有用嚟打擊膠事錄。呢啲招數,梗係要用嚟對付好似hkgpao同幫港出聲呢啲紅衛兵。當然,啲五毛殭屍戶口都係要殲滅。

發表迴響

你的電子郵件位址並不會被公開。 必要欄位標記為 *