梁振英-東海花園-min

梁振英 係咪就係篤爆東海花園黑材料果個人

雖然曾蔭權呢條友啲cheap精行為,係唔值得可憐,只不過,我心底一直有疑問,點解2012年2月,有傳媒揭發曾蔭權退休會住東海花園果陣,連單位裝修都影到。如果北京要害佢,無理由國安會咁落手至係。只不過,喺查戴德梁行期間,我發現咗呢樣嘢,我相信, 梁振英 就係篤爆東海花園黑材料果條友。

東海花園根本係 梁振英 管理

梁振英-東海花園-min
梁振英-東海花園-min

由1998年開始,東海花園已經由戴德梁行負責管理,換言之,梁振英要掌握東海花園有啲乜租客係好容易,國安都未必咁容易影到東海花園當初由曾蔭權打算租住嘅單位嘅裝修情況,但物業管理公司嘅管理員就好唔同,因為管理員可以話係要報番俾業主聽,所以要影相存檔,大部分人都唔會有戒心,包括一向謹慎嘅曾蔭權在內。所以曾蔭權千算萬算,都算唔到自己將來會喺深圳退休嘅地方,係由 梁振英 所管理,結果就搞成今日咁。當然,曾蔭權呢種做法係違法,至少依家法院判決結論係咁,只不過,呢種玩法,真係十分之有House of Cards嘅味道。

所以,我依家推算,唐英年僭建大危機,固然可能係林鄭月娥投誠嘅傑作,但亦都可能係,梁振英自己嘅網絡,都收到唔少材料。 梁振英 大家點憎佢都好,都要承認一樣嘢, 梁振英 喺測量行呢行係有江湖地位,無論佢以前喺仲量行開拓中國業務,定係自己開咗間梁振英測量師行,做到同新加坡以及英國嘅行換股合併,成為後嚟嘅DTZ,甚至令佢得以成為英國上市公司嘅管理層。一個有咁嘅江湖地位嘅人,啲有錢佬竟然唔記得佢有呢個情報網絡,成棚人都百密一疏,用番呢點嚟睇, 梁振英 呢條友搜集黑材料嘅能力,係比大家想像中強好多就係。

呢個亦解釋咗,點解曾蔭權落咗鑊,但黃楚標無落鑊,黃楚標係 梁振英 嘅客,而 梁振英 攞自己個客嘅資料做私人嘢,呢個又該當何罪?否則好難解釋到,收果個告咗,俾果個依家仍然未被人告呢個咁難解答嘅疑問。我只可以講,如果你唔想俾 梁振英 知太多嘢,你住嘅地方嘅管理權,唔好俾同 梁振英 關係太密切果啲測量師行或物業管理公司比較好。

One thought on “梁振英 係咪就係篤爆東海花園黑材料果個人

  1. 世澤兄:

    你呢方面嘅行動, 有益香港社會, 值得市民支持.
    而我, 亦會做我應做嘅一部分.
    當社會大多數人都自覺守護公義嗰陣, 可見嘅將來係可以守落去.

發表迴響

你的電子郵件位址並不會被公開。 必要欄位標記為 *